| e-texts navigator |
| Wylie |
405b1 བསམ་མི་ཁྱག། སངས་རྒྱས་ཆོས་ཀྱང་བསམ་མི་ཁྱབ།། བསམ་མི་ཁྱབ་ལ་དད་རྣམས་ཀྱི།། རྣམ་པར་སྨིན་པའང་བསམ་མི་ཁྱབ། མཆོད་རྟེན་བསྐོར་བའི་ཚིགས་སུ
405b2 བཅད་པ་རྫོགས་སོ། ། །། རྒྱ་གར་སྐད་དུ། ཧསྟི་ཀ་ཀྵཱ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། གླང་པོའི་རྩ་ལ་ཞེས་བྱ་བ་ཐེག་པ་ཆེན
405b3 པོའི་མདོ། ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བྱ་རྒོད་ཀྱི་ཕུང་པོའི་རི་ལཱ།
405b4 དགེ་སློང་ལྔ་བརྒྱ་ཙམ་གྱི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་མངོན་པར་གྲགས་པ། གཟུངས་ཐོབ་པ་སྤོབས་པ་ཐོགས་པ་མེད་པ། གཉིས་སུ་མེད་པའི
405b5 ཆོས་འཆད་པ། རྫུ་འཕྲུལ་རྣམ་པར་འཕྲུལ་པ་བསམ་གྱིས་མི་ཁྱབ་པ་དང་ལྡན་པ་དྲུག་ཁྲི་དང་ཡང་ཐབས་ཅིག་ཏུ་བཞུགས་ཏེ། འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེ
405b6 པོ་བརྩོན་འགྲུས་དཔེ་མེད་བློ་གྲོས་དང་། མངོན་པར་གནོན་པའི་སྒྲ་སྒྲོགས་གཟི་བརྗིད་སྙིང་པོ་དང་། བྱང་ཆུབ་སེམས་དཔའ་རིན་པོ་ཆེ་བཞིའི་མེ་ཏོག་རྒྱས་པ་དང་། གློག་ཆེན་སྒྲོན་མ་དང
405b7 མཐའ་ཡས་པར་ལྟ་ཞིང་ཡུལ་ཐམས་ཅད་ལས་འདས་པ་དང་། རི་རབ་བརྩེགས་པ་ལྟར་མངོན་པར་འཕགས་པ་དང་། མངོན་པར་དགའ་བས་མགུ་བ་བསྐྱེད་པ་དང་། དཔུང་པ་དྲི་མ་མེད་པས
iiif viewer powered by OpenSeadragon
