| e-texts navigator |
| Wylie |
374b1 པའི་དུས་ལ་བབ་ཅིང་། སངས་རྒྱས་ཀྱི་བྱང་ཆུབ་འཇིག་པར་འགྱུར་ལ། འཇིགས་པ་ཆེན་པོས་འཇིགས་པའི་དུས་ལ་བབ་པའི་ཚེ། ཁྱོད་ཀྱིས་ཆོས་ཀྱི་རྣམ་གྲངས་འདི་སེམས་ཅན་ཐམས
374b2 ཅད་ལ་བསྟན་པར་བྱའོ། ། རབ་ཏུ་བསྒྲག་པར་བྱའོ།། སྐྱེས་བུ་དམ་པ་དེ་དག་གི་མོས་པ་བསྐྱེད་པར་བྱའོ།། དོན་དམ་པའི་ཆོས་ཉིད་ཚད་མར་བྱས་ལ། མངོན་པར་བརྩོན་པས་ལས
374b3 གཞན་མི་བྱ་བར་རབ་ཏུ་བསྒྲག་པར་བྱའོ། ། དོན་དམ་པའི་ཆོས་ཉིད་ཁོ་ན་ལས་བརྩམས་ཏེ་དབང་དུ་བྱས་ལ་བསྟན་པར་བྱའོ།། ཅི་ནས་ཀྱང་སྐྱེས་བུ་དམ་པ་དེ་དག་གིས་ཆོས་ཀྱི་རྣམ་གྲང
374b4 འདི་ཇི་ལྟ་བ་བཞིན་དུ་ཕྱིན་ཅི་མ་ལོག་པར་དོན་རྟོགས་པར་འགྱུར་པ་དེ་ལྟར་བསྟན་པར་བྱའོ། ། བྱང་ཆུབ་སེམས་དཔའ་བྱམས་པས་གསོལ་པ། བཅོམ་ལྡན་འདས་དེ་ལྟར་འཚལ་ལོ།།
374b5 དེ་ནས་དབང་པོ་དང་བཅས་པའི་ལྷ་རྣམས་དང་། ཚངས་པ་དང་བཅས་པའི་ལྷ་རྣམས་དང་། སྐྱེ་དགུའི་བདག་པོ་དང་བཅས་པ་རྣམས་ཀྱིས་ཆོས་ཀྱི་རྣམ་གྲངས་འདི་མཇུག་ཏུ་ཕྱིན་པའི་དུས
374b6 ལ་བབ་པར་ཤེས་ནས། བཅོམ་ལྡན་འདས་དང་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་ལྷའི་མེ་ཏོག་དང་། བདུག་པ་དང་། སྤོས་དང་། མེ་ཏོག་འཕྲེང་དང
374b7 བྱུག་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། བ་དན་དག་གིས་མཆོད་ནས་འདི་སྐད་ཅེས། བཅོམ་ལྡན་འདས་གང་གིས་སེམས་ཅན་དཔག་ཏུ་མ
iiif viewer powered by OpenSeadragon
