| e-texts navigator |
| Wylie |
373b1 དགེ་བའི་རྩ་བ་ཆུང་ངུ་དང་ལྡན་པ་མ་ཡིན་ན། གང་དག་ཐེ་ཚོམ་མེད་པར་ཉན་པ་དང་། འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། རྒྱ་ཆེར་ཡང་དག་པར
373b2 སྟོན་པ་ལྟ་སྨོས་ཀྱང་ཅི་དགོས། མདོ་སྡེ་འཛིན་པ་དེ་ལྟ་བུ་དེ་དག་ལ་བདུད་ཀྱི་ལས་འབྱུང་བར་མི་འགྱུར་རོ།། དེ་དག་ལ་འདོད་ཆགས་དང་། ཞེ་སྡང་དང་། གཏི་མུག་དང་། ང་རྒྱལ
373b3 དང་སེར་སྣ་དང་། ཁྲོ་བ་དང་། གནོད་སེམས་ཀྱིས་གནོད་པར་མི་འགྱུར་རོ།། དེའི་ལུས་ལ་རིམས་ནད་དམ་ནད་འབྱུང་བར་མི་འགྱུར་རོ།། ཡུལ་གང་ན་མདོ་སྡེ་འདི་ལྟ་བུ་འཛིན
373b4 པ་དང་། ཆོས་སྨྲ་བ་གནས་པ་འམ། ཆོས་ཀྱི་རྣམ་གྲངས་འདི་གླེགས་བམ་དུ་བྲིས་ཏེ་ཡོད་པའི་ཡུལ་དེར་ནད་དང་། ཡམས་ཀྱི་ན་ད་དང་། གནོད་པ་དང་། འགོ་བའི་ནང་དང་།
373b5 འཁྲུག་པ་ཐམས་ཅད་རབ་ཏུ་ཞི་བར་འགྱུར་རོ།། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་འདི་སྐད་ཅེས་གསོལ་ཏོ།། བཅོམ
373b6 ལྡན་འདས་སླད་མའི་ཚེ་སླང་མའི་དུས་ལྔ་བརྒྱ་ཐ་མ་ལ་དམ་པའི་ཆོས་འཇིག་པར་འགྱུར་བའི་དུས་ལ་བབ་ཅིང་། སངས་རྒྱས་ཀྱི་བྱང་ཆུབ་འཇིག་པར་འགྱུར་བའི་འཇིག་པ་ཆེན་པོས་འཇིགས་པའི་དུས་ལ་བབ་པ་ན།
373b7 བདག་གིས་ཆོས་ཀྱི་རྣམ་གྲངས་འདི་སྐྱེས་བུ་དམ་པ་དེ་དག་ལ་རབ་ཏུ་བསྟན་པར་བགྱིའོ།། དེ་དག་ལ་གཟི་བྱིན་བརྩལ་བར་བགྱིའོ།། ཡུལ་གང་ན་མདོ་སྡེ་འཛིན་པ་དེ་ལྟ་བུ་དག་གནས་པ
iiif viewer powered by OpenSeadragon
