| e-texts navigator |
| Wylie |
372b1 བུ་དེའི་དུས་ལ་བབ་པར་ཤེས་ནའོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་བཅོམ་ལྡན་འདས་ཀྱིས་གནང་བས་དེའི་ཚེ་སྟན་ལས་ལངས་ཏེ། བླ་གོས་ཕྲག་པ་གཅིག
372b2 ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།།
372b3 སེམས་ཅན་འདོད་ཆགས་དང་། ཞེ་སྡང་དང་། གཏི་མུག་ཐམས་ཅད་ཀྱི་བྲེ་ནད་ཅན། ལྟ་བ་ཐམས་ཅད་ཀྱི་རབ་རིབ་དང་། ལིང་ཏོག་གི་མུན་པས་བསྒྲིབས་པ་ཐམས་ཅད་ཀྱི་བྲོ་ནང་གསོ་བ
372b4 དང་ཆོས་ཀྱི་མིག་བླ་ན་མེད་པ་ཡོངས་སུ་སྦྱང་བའི་སླད་དུ། བཅོམ་ལྡན་འདས་ཆོས་ཀྱི་རྣམ་གྲངས་བསྟན་པ་འདི་ནི། ཨ་ལ་ལ་རྨད་དུ་བྱུང་བ་ཆེན་པོ་ལགས་སོ།། བཅོམ་ལྡན་འདས
372b5 ཀྱིས་ཆོས་ཀྱི་རྣམ་གྲངས་བསྟན་པ་འདི་ནི། ཨ་ལ་ལ་བདུད་རྩི་ཆེན་པོ་ལགས་སོ།། བཅོམ་ལྡན་འདས་ཆོས་ཀྱི་རྣམ་གྲངས་བསྟན་པ་འདི་ནི། ཨ་ལ་ལ་སྨན་པའི་རྒྱལ་པོ་ཆེན
372b6 པོ་ལྟ་བུ་ལགས་སོ། ། ཐ་ན་དུད་འགྲོའི་སྐྱེ་གནས་སུ་སྐྱེས་པ་ཡང་རུང་སྟེ། གང་དག་གི་རྣ་ལམ་དུ་ཆོས་ཀྱི་རྣམ་གྲངས་འདི་གྲག་པར་གྱུར་པ་དེ་དག་ནི། དགེ་བའི་རྩ་བ་ཆེན་པོའི་ཚོག
372b7 བསགས་པ་དག་སྟེ། སེམས་ཅན་ཐམས་ཅད་ལས་ཁྱད་པར་དུ་འཕགས་པ་ལགས། སངས་རྒྱས་ཐམས་ཅད་ལ་ལྟ་བ་དང་ལྡན་པ་ལགས། སྐྱེ་བོ་མང་པོ་ལ་ལྷག་པར་བགྱི་བ
iiif viewer powered by OpenSeadragon
