| e-texts navigator |
| Wylie |
372a1 དང་། བཏང་སྙོམས་ཆེན་པོ་སྒོམས་པ་དང་། རྒྱུན་མི་འཆུད་པར་མཆོད་རྟེན་རྙིང་པ་གསོས་པ་དང་། རྒྱུན་མི་འཆད་པར་སེམས་ཅན་ཐམས་ཅད་བྱང་ཆུབ་ཀྱི
372a2 སེམས་ལ་མོས་པར་བྱ་བ་སྟེ། བྱམས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ལྔ་པོ་དེ་དག་དང་ལྡན་ན། བདུད་ཀྱི་རིགས་ཐམས་ཅད་ཀྱིས་བགེགས་བྱ་བར་མི
372a3 འགྱུར་བ་དང་། བདུད་ཀྱི་འཁོར་ཐམས་ཅད་ཀྱིས་འདའ་བར་བྱ་བ་མ་ཡིན་པ་དང་། སེམས་ཅན་རྣམས་ལ་སྙིང་བརྩེ་བའི་ཕྱིར་ཚེ་རིང་དུ་སྐྱོང་བར་བྱེད་པ་དང་། མྱུར་དུ་བླ་ན་མེད་པ་ཡང
372a4 དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། ། བཅོམ་ལྡན་འདས་ཀྱིས་ཆོས་ལྔ་བསྟན་པ་འདི་བཤད་པ་ན། དགེ་སློང་ལྔ་སྟོང་ནི་ལེན་པ་མེད་པར་ཟག
372a5 པ་རྣམས་ལས་སེམས་རྣམ་པར་གྲོལ་ལོ། ། བྱང་ཆུབ་སེམས་དཔའ་བདུན་ཁྲི་ཉིས་སྟོང་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། ལྷའི་བུ་བརྒྱད་ཁྲི་བཞི་སྟོང་ནི་ཆོས་རྣམས
372a6 ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་ཉོན་མོངས་པ་མེད་པར་རྣམ་པར་དག་གོ། ། དེ་ན་སོ་བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་འདི
372a7 སྐད་ཅེས་གསོལ་ཏོ། ། བཅོམ་ལྡན་འདས་བདག་སྤོབས་ལགས་སོ།། བདེ་བར་གཤེགས་པ་བདག་སྤོབས་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི།
iiif viewer powered by OpenSeadragon
