| e-texts navigator |
| Wylie |
5b1 གཞོན་ནུ་ཁྱད་པར་དགའ་ཞེས་བྱ་བ་དང་། ལི་ཙ་བྱི་གཞོན་ནུ་ཁྱད་པར་ཅན་གྱི་རིགས་ཤེས་བྱ་བ་དང་། ལི་ཙ་བཱི་གཞོན་ནུ་དྲི་མེད་འོད་གྲགས་ཞེས་བྱ་བ་དང་། ལི་ཙ་བྷི་གཞོན་ནུ་གླིང་བུ་ཅན་གྱིས་བྱིན
5b2 ཞེས་བྱ་བ་དང་། ལི་ཙ་བྱི་གཞོན་ནུ་སའི་དབང་ཕྱུག་ཅེས་བྱ་བ་དང་། ལི་ཙ་བྱི་གཞོན་ནུ་ས་སྟེང་འཕྲེང་བ་ཅན་ཞེས་བྱ་བ་དང་། ལི་ཙ་བྱི་གཞོན་ནུ་མཚུངས་པ་མེད་པའི་རྡོ་རྗེའི་སྤྲིན་ཞེས་བྱ་བ་དང
5b3 དེ་དག་ལ་སོགས་པ་ལི་ཙ་བྱི་གཞོན་ནུ་ས་ཡ་ཕྲག་ལྔ་དང་བརྒྱད་འབུམ་སྟེ། ལི་ཙ་བྱི་གཞོན་ནུ་དེ་དག་ཐམས་ཅད་ཀྱང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་པ
5b4 ཐེག་པ་ཆེན་པོ་ལ་སེམས་རབ་ཏུ་དགའ་བ་ཤ་སྟག་སྟེ། ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས
5b5 ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་དེ། ཕྱོགས་གཅིག་ཏུ་འཁོད་དོ།།
5b6 ཡང་དེའི་ཚེ་ལྷའི་བུ་མཐོང་ན་དགའ་བའི་དྲི་ཟའི་རྒྱལ་པོ་ལ་སོགས་པ། ལྷའི་བུ་ས་ཡ་ཕྲག་བཞི་དང་བཞི་འབུམ་ལ་འདི་ལྟ་སྟེ། ལྷོའི་བུ་མཐོང་ན་དགའ་བའི་དྲི་ཟའི་རྒྱལ་པོ་ཞེས་བྱ
5b7 བ་དང་། ལྷའི་བུ་དགའ་ཞིང་དང་བའི་གྲགས་པ་ཞེས་བྱ་བ་དང་། ལྷའི་བུ་ཟླ་བའི་གཙུག་པུད་ཅན་ཞེས་བྱ་བ་དང་། ལྷའི་བུ་ཉི་མའི་མདོག་ཅེས་བྱ་བ་དང་། ལྷའི་བུརྣ་འཕྱང་རྣ་ཆ་གདུབ་ཀོར་ཅན
iiif viewer powered by OpenSeadragon
