| e-texts navigator |
| Wylie |
327b1 ཏུ་མེད་པ་དང་ལྡན་པའི་ཕྱིར་རོ། ། ཀུན་དགའ་བོ་ཤར་གྱི་ལུས་འཕགས་གླིང་ཆུ་ཞེང་དང་། རྒྱར་དཔག་ཚད་བརྒྱད་སྟོང་ཡོད་པ། རྒྱུན་ཏུ་ཞུགས་པ་རྣམས་ཀྱིས་གང་བར་གྱུར་ཅེས་བྱ་བ་ནས། རྣམ་པར
327b2 གྲོལ་བའི་ཡེ་ཤེས་གཟིགས་པ་ཞེས་བྱ་བའི་བར་དུ་རྒྱ་ཆེར་སྔ་མ་བཞིན་དུ་བརྗོད་པར་བྱའོ། ། ཀུན་དགའ་བོ་ནུབ་ཀྱི་བ་ལང་སྤྱོད་ཀྱི་གླིང་ཆུ་ཞེང་དང་། རྒྱར་དཔག་ཚད་དགུ་སྟོང་ཡོད་པ། རྒྱུན་ཏུ་ཞུགས་པ
327b3 རྣམས་ཀྱིས་གང་བར་གྱུར་ཅེས་བྱ་བ་ནས། སྔ་མ་བཞིན་དུ་རྒྱས་པར་སྦྱར་རོ།། ཀུན་དགའ་བོ་བྱང་གི་སྒྲ་མི་སྙན་གྱི་གླིང་ཆུ་ཞེང་དུ་དཔག་ཚད་ཁྲི་ཡོད་པ། རྒྱུན་ཏུ་ཞུགས་པ་རྣམས་ཀྱིས་གང་བར་གྱུར་ཅེས
327b4 བྱ་བ་ནས། སྔ་མ་བཞིན་དུ་རྒྱས་པར་སྦྱར་རོ།། ཀུན་དགའ་བོ་བརྒྱ་བྱིན་གྱི་ཁང་བཟངས་རྣམ་པར་རྒྱལ་བ་ཞེས་བྱ་བ། ཀ་བ་བརྒྱད་ཁྲི་བཞི་སྟོང་རབ་ཏུ་བརྟན་པ་དག་ཡོད་དོ།། ཀ་བ་དེ་དག་ཐམས་ཅད་ཀྱང
327b5 ལྷའི་བཻ་ཌཱུརྱ་སྔོན་པོ་ཡིན་ཏེ། ཀུན་དགའ་བོ་ཁང་བཟངས་རྣམ་པར་རྒྱལ་བ་གསེར་གྱི་བྱེ་མ་འདལ་བ་ལ། ཙན་དན་གྱི་ཆུས་ཆག་ཆག་བཏབ་པ། གསེར་གྱི་དྲ་བས་གཡོགས་ཤིང་། གསེར་གྱི་དྲིལ་བུ
327b6 གཡེར་ཀས་བསྐོར་བ་སྟེ། ཀུན་དགའ་བོ་གང་ཞིག་སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་ཁང་བཟངས་དེ་ལྟ་བུ་ཤ་སྟག་གིས་བཀང་སྟེ། ཕྱོགས་བཞིའི་དགེ་སློང་གི་དགེ་འདུན་ལ་འབུལ་བར
327b7 བྱེད་ལ། གང་ཞིག་གིས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་སྐུ་གདུང་ཡུངས་འབྲུ་ཙམ་ཞེས་བྱ་བ་ནས། རྒྱ་ཆེར་སྔ་མ་བཞིན་དུ་སྦྱར་རོ།། ཀུན་དགའ་བོ་ལུས་འཕགས་མོའི་བུམ
iiif viewer powered by OpenSeadragon
