| e-texts navigator |
| Wylie |
158a1 དུ་མདུན་ན་བཞུགས་པར་གྱུར་ཏོ། ། དེ་ནས་སོར་མོའི་ཕྲེང་བས་བཅོམ་ལྡན་འདས་མཐོང་ནས། འོ་ན་དགེ་སྦྱོང་གོའུ་ཏ་མ་གསད་དོ་སྙམ་སྟེ། རལ་གྲི་ཐོགས་ནས་མགྱོགས
158a2 པ་མགྱོགས་པར་ལྡོངས་སོ། ། དེ་ནས་བཅོམ་ལྡན་འདས་ཡེ་ཤེས་ཐམས་ཅད་དང་ལྡན་པས་བདག་ཉིད་གཤེགས་པ་ལྟ་བུར་བསྟན་པ་དང་།། སོར་མོའི་ཕྲེང་བས་མ་ལ་མདུན་གྱིས་བལྟས་ཏེ།
158a3 གཉིས་ཀྱི་བར་དུ་ཚིགས་སུ་བཅད་པ་འདི་དག་སྨྲས་སོ།། བཞུགས་ཤིག་དགེ་སྦྱོང་ཁྱོད་བཞུགས་ཤིག། ཟས་གཙང་སྲས་པོ་བཞུགས་སུ་གསོལ།། བདག་ནི་སོར་མོའི་ཕྲེང་བ་སྟེ། སོར་ལོའི
158a4 ཤོ་གམ་བདག་སྩོལ་ཅིག། བཞུགས་ཤིག་དགེ་སྦྱོང་ཁྱོད་བཞུགས་ཤིག། ཆོས་གོས་བནབས་པ་བཞུགས་སུ་གསོལ།། བདག་ནི་སོར་མོའི་ཕྲེང་བ་སྟེ།། སོར་མོའི་ཤོ་གམ་བདག་སྩོལ་ཅིག
158a5 བཞུགས་ཤིག་དགེ་སྦྱོང་ཁྱོད་བཞུགས་ཤིག། མཁས་པའི་གཙོ་བོ་བཞུགས་སུ་གསོལ།། བདག་ནི་སོར་མོའི་ཕྲེང་བ་སྟེ།། སོར་མོའི་ཤོ་གམ་བདག་སྩོལ་ཅིག། བཞུགས་ཤིག་དགེ་སྦྱོང་ཁྱོད་བཞུགས
158a6 ཤིག། ལྷུང་བཟེད་ཐོགས་པ་བཞུགས་སུ་གསོལ།། བདག་ནི་སོར་མོའི་ཕྲེང་བ་སྟེ།། སོར་མོའི་ཤོ་གམ་བདག་སྩོལ་ཅིག། བཞུགས་ཤིག་དགེ་སྦྱོང་ཁྱོད་བཞུགས་ཤིག། སེང་གེའི་རྩལ་མངའ་བཞུགས་སུ
158a7 གསོལ། ། བདག་ནི་སོར་མོའི་ཕྲེང་བ་སྟེ།། སོར་མོའི་ཤོ་གམ་བདག་སྩོལ་ཅིག། བཞུགས་ཤིག་དགེ་སྦྱོང་ཁྱོད་བཞུགས་ཤིག། སྟག་གི་རྩལ་མངའ་བཞུགས་སུ་གསོལ།། བདག་ནི་སོར་མོའི་ཕྲེང་བ་སྟེ།། སོར།
iiif viewer powered by OpenSeadragon
