| e-texts navigator |
| Wylie |
157a1 གདུང་མ་ལ་གྱེན་དུ་བཅིངས་ནས་བཏགས་སོ། ། དེ་ནས་དེའི་ཚེ་སློབ་དཔོན་ནོར་བུ་བཟང་པོ་རྒྱལ་པོས་མཆོད་ནས་སླར་རང་གི་ཁྱིམ་དུ་འོངས་པ་དང་། དེས་མཐོང་ངོ་།། མཐོང
157a2 ནས་དེའི་ཐག་པ་བཅད་དེ། ཨེ་མའོ་ཞེས་སྐད་དྲག་ཏུ་ཕྱུང་ནས་རང་གི་ཆུང་མ་ལ་འདི་སྐད་ཅེས་སྨྲས་སོ།། བཟང་མོ་འདི་ཅི་སུས་ཁྱོད་འདི་ལྟ་བུར་བྱས། བཟང་མོས་སྨྲས་པ། ཁྱོད་ཀྱི་སློབ་མ
157a3 འཇིག་རྟེན་ཐམས་ཅད་ཀྱིས་བལྟ་ན་སྡུག་པས་ནན་གྱིས་ཁོ་མོ་ཉལ་པོ་བྱས་ནས་འདི་ལྟར་བྱས་སོ། ། དེ་ནས་སློབ་དཔོན་ནོར་བུ་བཟང་པོས་འཇིག་རྟེན་ཐམས་ཅད་ཀྱིས་བལྟ་ན་སྡུག་པ་དེའི་མཐུ་ཆེན་པོ་ཤེས
157a4 ཏེ། དེ་ཐོག་མ་བཙས་མ་ཐག་ཏུ་རྒྱལ་རིགས་ཐམས་ཅད་ཀྱི་མཚོན་རྣམས་ཤུབས་ནས་བྱུང་སྟེ། མངའ་སྟེའུ་ཁ་མ་བཞིན་དུ་ཐམས་ཅད་དུ་ལྷུང་ནས། དེའི་ཚེ་རྒྱལ་རིགས་ཐམས་ཅད་སྐྲག་ཅིང་རབ་ཏུ
157a5 འཇིགས་པར་གྱུར་ཏེ། འཇིག་རྟེན་ཐམ་ཅད་ཀྱིས་བལྟ་ན་སྡུག་པ་སེམས་ཅན་གྱི་མཆོག་དེའི་མཐུ་ཆེན་པོ་དེ་ལྟ་བུ་ཤེས་ནས། དེ་ལ་ཅུང་ཟད་བསྒོ་བ་ཙམ་ཞིག་ནུས་ཏེ། འཇིག་རྟེན་ཐམས་ཅད་ཀྱིས་བལྟ
157a6 ན་སྡུག་པ་དེ་ལ་འདི་སྐད་ཅེས་སྨྲས་སོ། ། བདག་ཉིད་ངན་པ་བླ་མའི་ཆུང་མ་མ་རུང་བར་བྱེད་པ་ཁྱོད་ཉེས་པ་ཆེན་པོ་བྱས་ལ། བྲམ་ཟེར་མི་འགྱུར་གྱིས། མི་སྟོང་སོད་ཅིག་དང་། དེ་ནས་བྱང་བར
157a7 འགྱུར་རོ། ། དེ་སྐད་ཅེས་རང་གི་སློབ་མ་བྲམ་ཟེའི་བུ་འཇིག་རྟེན་ཐམས་ཅད་ཀྱིས་བལྟ་ན་སྡུག་པ་ལ་བསྒོ་བ་དང་། བྲམ་ཟེའི་བུ་འཇིག་རྟེན་ཐམས་ཅད་ཀྱིས་བལྟ་ན་སྡུག་པ་དེ་རང་བཞིན་གྱིས
iiif viewer powered by OpenSeadragon
