| e-texts navigator |
| Wylie |
153a1 རྣམས་ལ་ཆོས་གོས་དང་། བསོད་སྙོམས་དང་། མལ་སྟན་དང་། ན་བའི་གསོ་སྨན་དང་། ཡོ་བྱད་རྣམས་དང་ལྡན་པར་བྱས་ཏེ། ཕ་རོལ་ཏུ་ཕྱིན་པ་བཅུའི་སྤྱད་པ་སྤྱོད་ཅིང
153a2 རྟག་ཏུ་བསླབ་པའི་གཞི་ལྔ་བཟུང་ནས། དབུལ་པོ་ལ་སོགས་པ་ཁྱིམ་ཀོལ་གྱི་སེམས་ཅན་ཐམས་ཅད་གང་དང་གང་ལ་ཅི་དང་ཅིས་དོན་དུ་འགྱུར་བ་དེ་དང་དེ་ལ་དེ་དང་དེ་བྱིན་ནས། འདུ་ཤེས་བཅུའི
153a3 བསྡུ་བ་བསྡུས་ཏེ། སྤྱོད་པར་བྱེད་ཅིང་སེམས་ཅན་བྱེ་བ་ཕྲག་མང་པོ་དག་རིམས་བཞིན་དུ་བརྟུལ་ཏེ། སེམས་ཅན་དེ་དག་གི་དགེ་བའི་རྩ་བ་ཡོངས་སུ་སྨིན་པར་ཤེས་ནས། སྤྲིན་ཆེན་པོའི་མདོ་འདི
153a4 ལ་སོགས་པ། དེ་བཞིན་གཤེགས་པ་ཐམས་ཅད་ཀྱིས་གསུངས་པ། མཚུངས་པ་མེད་པའི་མདོ་རིན་པོ་ཆེའི་དམ་པའི་ཆོས་བསྟན་པ་འབྱུང་བར་བྱ་བའི་ཕྱིར། ཅིའི་ཐབས་ཀྱིས་ཀྱང་མཚུངས
153a5 པ་མེད་པའི་སྒྲ་སྒྲོགས་པར་བྱེད་ཅིང་། མཚུངས་པ་མེད་པའི་གླེགས་བམ་བྲིས་པའི་སྣོད། སངས་རྒྱས་ཀྱིས་གང་དང་གང་དུ་བྱིན་གྱིས་བརླབས་པའི་གནས་རྣམས་སུ་འཇོག་པར་བྱེད་དེ། དེ་ལྟར་མཚུང
153a6 པ་མེད་པའི་ས་བོན་བསྐྱེད་ནས། དེའི་འོག་ཏུ་འཆི་བའི་དུས་བྱེད་པར་འགྱུར་རོ།། དེའི་ཚེ་ལྷ་མོ་ལོ་ཏོག་འབྱོར་མ་ཤེས་རབ་ཆེན་མོ་ཐབས་མཁས་པ། ཟབ་མོ་ཤེས་པ་དང་ལྡན་པའི་ལྷ་མོས། བུང
153a7 མེད་ཀྱི་ལུས་ལས་ལྡོག་པར་འགྱུར་རོ། ། སྤྲིན་ཆེན་སྙིང་པོས་གསོལ་པ། བཅོམ་ལྡན་འདས་ཅི་ལྷ་མོ་འདི་སེམས་ཅན་ཐམས་ཅད་ཀྱི་དད་པ་བསྐྱེད་པའི་སླད་དུ་ཆོ་འཕྲུལ་ཆེན་པོ་བགྱིས་ནས་ཡོངས
iiif viewer powered by OpenSeadragon
