| e-texts navigator |
| Wylie |
152a1 ཁྱེར་དཔལ་ཡོན་ཅན་ངེས་པ་ཞེས་བྱ་བར་ཁམས་ཀྱི་རྒྱལ་པོ་སྤྱོད་ཅེས་བྱ་བའི་རིགས་སུ་འབྱུང་བར་འགྱུར་ཏེ། ཁམས་ཀྱི་རྒྱལ་པོ་དེའི་རིགས་རབ་ས་གསུམ་ལོན
152a2 པ་ན། རྒྱལ་པོ་དཔལ་འཕེལ་ཞེས་བྱ་བ་ཞིག་འབྱུང་བར་འགྱུར་ཏེ། རྒྱལ་པོ་དེའི་བུ་མོ་སྙིང་དུ་སྡུག་ཅིང་བྱམས་ལ་ཡིད་དུ་འོང་བ་དང་། གནང་བ་དང་། མཆོག་ཏུ་མཛེས་ཤིང་གཟུགས་བཟང
152a3 བ་ལ་རིགས་ཀྱི་སྤྱོད་པའི་ཚུལ་ཕུན་སུམ་ཚོགས་པ། སྐྱོང་བའི་རང་བཞིན་ཅན་དུ་སྐྱེ་བར་འགྱུར་ཏེ། དེའི་ཚེ་དེའི་དུས་ན། བུ་མོ་དེ་ཇི་ཙམ་དུ་སྐྱེས་པ་དེ་ཙམ་དུ། བདག་ཉིད་ཀྱི་རྒྱལ་པོའི་ཕོ་བྲང
152a4 འཁོར་འཕེལ་བར་བྱེད་དེ། རྒྱལ་པོའི་ཕོ་བྲང་འཁོར་དེ་འབྱོར་ཅིང་རྒྱས་པར་འགྱུར་རོརོ།། དེ་བཞིན་དུ་མུན་པ་ཅན་གྱི་ཡུལ་འཁོར་ཡང་དེའི་ཚེ། འབྱོར་ཅིང་རྒྱས་པར་འགྱུར་ཏེ། སྐྱེ་བོ་མང་པོས་ཀྱང
152a5 གང་བར་འགྱུར་རོ། ། འབྲུ་རྣམས་ཀྱི་ལོ་ཏོག་ཀྱང་ཤིན་ཏུ་ཕུན་སུམ་ཚོགས་པར་འགྱུར་རོ།། མི་རྣམས་ཀྱང་བདེན་པ་སྨྲ་བར་འགྱུར་རོ།། ནད་མེད་པ་དང་། འཇིགས་པ་མེད་པ་དང་། བདེ་བར
152a6 ཡང་འགྱུར་རོ། ། དེ་ནས་བུ་མོའི་ཕ་རྒྱལ་པོ་དཔལ་འཕེལ་གྱིས་བདག་ཉིད་ཀྱི་བསོད་ནམས་ཀྱི་གྲོང་ཁྱེར་དང་། ཡུལ་འཁོར་འབྱོར་ཅིང་རྒྱས་ལ་ཡུལ་གྱི་མི་རྣམས་ཤིན་ཏུ་ལེགས་པར་འདོད
152a7 པ་དང་། འབྲུ་ཤིན་ཏུ་སྣ་ཚོགས་པར་མཐོང་ནས། བདག་ཉིད་ཀྱི་བུ་མོ་མིང་ལོ་ཏོག་འབྱོར་མ་ཞེས་ཡོན་ཏན་དང་འཐུན་པའི་མིང་འདོགས་སོ།། དེ་ནས་རིམས་ཀྱིས་རྒྱལ་པོ་དཔལ་འཕེལ
iiif viewer powered by OpenSeadragon
