| e-texts navigator |
| Wylie |
365a1 ཤེས་འདུ་བྱེད་ཚོར་བ་རྣམས། ། འཇིགས་ཆེན་ལྕི་བའི་ཁུར་མིན་ནོ།། གང་ཆོས་རྣམ་པར་མི་ཤེས་པ།། བྱིས་པ་སྲིད་པས་རབ་ཏུ་འཁྱམ།། ལུས་ཀྱི་ཁུར་གྱིས་བསྐོར་བ་ནི།
365a2 འཇིག་རྟེན་དུ་ཡང་དོན་མེད་སྐྱེས།། གོས་གཙང་ཤིན་ཏུ་བཟང་བ་དང་།། ཁྲུས་དང་བྱུག་པ་དགོས་པའོ།། ལུས་ལ་གང་ཡིད་འོང་བ་ཡི།། ཁ་ཟས་ཞིམ་པོ་དགོས་པ་སྟེ།། ཡིད་དུ་འོང་བའི་སིལ་སྙན་རྔ།
365a3 དེ་བཞིན་རྣ་བས་ཚོལ་བར་བྱེད།། རིན་ཆེན་བདུན་ལས་བྱུང་བ་ཡི།། གཟུགས་ལ་མིག་གིས་ཆགས་པར་བྱེད།། ཞིམ་པའི་རོ་རྣམས་ཐམས་ཅད་ནི།། ལྕེས་ཀྱང་ཚོལ་བར་བྱེད་པ་སྟེ།། འཇམ་ཞིང་ཕྲ་བའི
365a4 རེག་པ་ཡང་། ། ལུས་ཀྱིས་རྟག་ཏུ་ཚོལ་བར་བྱེད།། ལུས་ཀྱིས་སུ་ནི་ཤ་གཉིས་པའོ།། དགའ་བར་ཡང་ནི་བསྒྲུབས་པ་ལས།། སེམས་པ་མེད་པའི་ལུས་འདི་སྐྱེས།། དེ་ལ་དགའ་བ་སུ་ཞིག་རྙེད།།
365a5 དེ་ན་བདག་རྐང་དགར་བྱེད་པ།། ལྡུམ་ནི་རབ་ཏུ་བཟང་གྱོན་ཡང་།། འཆི་བ་ར་ར་གྱུར་ཚེ་གོས་རྣམས་དང་།། བྱུག་པ་སྐྱབས་སུ་མི་འགྱུར་ཏེ།། ལུས་ཀྱང་སྐྱབས་སུ་འགྱུར་མིན་ན།། གོས་དང་བྱུག་པ
365a6 སྨོས་ཅི་དགོས། ། མི་ཞེས་བྱ་བ་ལུས་ཡིན་ཏོ།། དབུགས་དང་སྟོབས་ཆེན་རྙེད་པར་འགྱུར།། སོ་སོར་རྟོག་པ་རྣོ་བའི་སྟོབས།། དེ་ནི་ལུས་ལ་ཡོན་ཏན་ཆེ།། སྔོན་ཆད་རྟ་དང་གླང་པོ་ཡིས།། ཀུན་ཏུ་བསྐོར་ནས་རྩེ
365a7 ཞིང་འཁྱམ། ། ཐར་པའི་ཆོས་ནི་མ་ཤེས་ནས།། བདག་ཅི་སྡིག་པའི་ལས་ལ་དགའ།། འཇིག་རྟེན་ཕ་རོལ་མ་ཤེས་ནས།། བརྩེ་བས་སྡིག་པ་བྱེད་དུ་བཅུག། བདག་ནི་ཡང་དང་ཡང་སྐྱེས་ཏེ།། ཤི་བ
iiif viewer powered by OpenSeadragon
