| e-texts navigator |
| Wylie |
364b1 ལས་ནི་རྣམ་སྤངས་ཏེ། ། བདག་ཅག་ཆོས་ཀྱི་སྦྱིན་པ་ཉན།། སྡིག་པ་ཐམས་ཅད་རྣམ་སྤངས་ནས།། འཇིགས་པ་མི་བཟད་རྣམས་ཀྱང་སྤངས།། ནད་རྣམས་ཐམས་ཅད་ཞི་བྱེད་པ།། སྨན་གྱི་རྒྱལ་པོ་སྨན།།
364b2 པ་སྟེ།། སྡུག་བསྔལ་བ་རྣམས་གསོ་བྱེད་པ།། ཡང་དག་སངས་རྒྱས་མྱུར་དུ་ལྟ།། དེ་བཞིན་གཤེགས་ལ་ཕྱག་བྱ་ཕྱིར།། གནས་བརྟན་ཁྱོད་ནི་མྱུར་དུ་བཞུང་།། ཕྱག་བྱས་བདག་ཅག་རྣམས་ཀྱི་ཆོག། འཇིག།
364b3 རྟེན་རྣམ་པར་འདྲེན་ལ་གསུངས།། ནད་འདིར་རབ་ཏུ་ཞི་བར་མཛོད།། ལུས་འདི་ཐམས་ཅད་རབ་འབར་ཏེ།། ཚིག་ཅིང་ཞི་བ་མེད་པ་ཡི།། མི་བཟང་མེ་ནི་ཞི་བར་མཛོད།། ལུས་ཀྱི་ཁུར་ནི་ཁུར་པོ་ཆེ།། ཤིན
364b4 ཏུ་མི་བཟང་རྣོ་བའི་ཁུར། ། སྡུག་བསྔལ་གཟིར་བ་བདག་ཅག་ལ།། བརྟུལ་ཞུགས་དམ་པ་ཐུགས་རྗེ་མཛོད།། སྐྱེ་བོ་རྟག་ཏུ་ཞེ་སྡང་དང་།། གཏི་མུག་ནོར་བའི་ཁུར་ཁྱེར་ཏེ།། ཁུར་ལས་ཐར་པ་མི་ཤེས
364b5 པ། དེ་དག་ཡང་དང་ཡང་ཁུར་ཁྱེར།། ཐར་པའི་ལམ་ནི་མི་ཤེས་ཤིང་།། ཐར་པའི་ལམ་ནི་མ་མཐོང་རྣམས།། འཆི་བ་རྣམ་པར་ཤེས་མོད་ཀྱི།། འོན་ཀྱང་འཇིགས་པ་མི་སྐྱེད་དོ།། བདག་ཅག་ལ་ནི་ནམ
364b6 དུ་ཡང་། ། འཆི་བ་མེད་སྙམ་བདེ་བར་གནས།། ཀུན་ཏུ་འཁྲུལ་པས་མ་ཤི་བ།། མཐོང་ཡང་རྣམ་པར་མི་ཤེས་སོ།། དེ་དག་པ་ཡང་མི་དྲན་ཏེ།། ནད་ཀྱིས་ཀྱང་ནི་རྟག་གཟིར་ཅིང་།། ཉོན་མོངས་ལས
364b7 ཀྱིས་རབ་དཀྲུགས་ན། ། ཇི་ལྟར་ཁ་བླ་ཟ་བར་འགྱུར།། སྡུག་བསྔལ་ཉམ་ཐག་མི་ཤེས་ཏེ།། བདག་ཅག་ངལ་བ་དོན་མེད་དོ།། ཁྱོད་ཀྱི་སྡུག་བསྔལ་འདི་འདྲ་བ།། མ་རིག་གཞི་ལས་སྐྱེས་པའོ།། འདུ
iiif viewer powered by OpenSeadragon
