| e-texts navigator |
| Wylie |
363b1 ། འཕོ་ལ་ནི་སྐྱོ་མེད་པ།། ཡང་དང་ཡང་དུ་སྐྱེ་བར་འགྱུར།། ཡུན་རིང་སྡུག་བསྔལ་རབ་གཟིར་ཅིང་།། རྟག་ཏུ་དབྱུག་པས་བརྡེགས་བྱས་ནས།། གཞན་དག་གི་ཡང་འཕྲོག་བྱེད་དེ།། དེ་བཞིན་བཅིང་ཞིང་བསད་པ་བྱས།། །
363b2 སྔོན་གྱི་སྡིག་པས་བསྐུལ་བས་ན།། དེ་དག་བཅིང་བ་ལྔས་བཅིངས་སོ།། རེ་ཐག་ཀྱང་ནི་ཆད་པར་འགྱུར།། མྱ་ངན་ཟུག་རྔུས་ཐུག་པར་འགྱུར།། རྣམ་པར་ཤེས་པ་འགག་པ་ན།། སྙིང་རྗེ་བར་ནི་སྨྲེ་སྔགས
363b3 འདོན། ། བདག་གི་སྐྱོབ་པར་འགྱུར་པ་ལ།། གསེར་དང་དངུལ་དང་ཤེལ་དག་དང་།། ལོངས་སྤྱོད་ཐམས་ཅད་བདག་གིས་དབུལ།། བདག་ནི་བྲན་དུ་རང་འགྱུར་བར་བྱ།། བྲན་གྱི་ཚུལ་དུ་གང་གྱུར་པ།། ལས
363b4 རྣམས་ཐམས་ཅད་རབ་ཏུ་བྱ། ། རྒྱལ་སྲིད་ལོངས་སྤྱོད་བདག་མི་དགོས།། ནོར་དང་འབྲོ་ཡང་མ་ཡིན་ནོ།། རང་གི་ལུས་ནི་བདག་ལ་དགོས།། སྡིག་པ་བྱེད་པ་མི་འགྲོལ་ཏེ།། དེ་ལྟས་གནས་བརྟན
363b5 བདག་ཅག་ལ། ། བཟའ་བ་དགོས་པ་མ་ཡིན་ནོ།། གང་དག་ཁ་ཟས་ཞིམ་ཟོས་པ།། རྒྱལ་པོ་རྣམས་ཀྱང་འཆི་བར་འགྱུར།། བཏུང་བ་མཆོག་ནི་འཐུངས་པ་ཡི།། ལྷ་ཡི་བུ་རྣམས་འཆི་བར་འགྱུར།།
363b6 ཆོམ་ཆོ་དགུ་རོ་ལྡན་པ།། ཟ་ས་དང་སྐོམ་ནི་རབ་བཤམས་ཏེ།། རྒྱལ་པོའི་མདུན་དུ་བླངས་ནས་སུ།། ཁ་ཟས་ལ་ནི་ལྕེས་རེག་ནས།། རྒྱལ་པོ་རྣམས་ནི་རོ་ལ་ཆགས།། སྡིག་པ་མི་ཆུང་རྣམས་ཀྱང་བྱེད།།
363b7 གང་ལ་སྙིང་པོ་མེད་པ་ཡི།། མི་རྟག་རོལ་ཆགས་པར་བྱེད།། བདག་ཅག་རྣམས་ལ་སྐོམ་མི་དགོས།། བཟའ་བ་དག་ཀྱང་དགོས་མ་ཡིན།། བདག་ཅག་སྡུག་བསྔལ་གང་གྲོལ་བ།། ཆོས་ཉིད་དེ་འདྲ་དགོས་པ
iiif viewer powered by OpenSeadragon
