| e-texts navigator |
| Wylie |
359b1 མཆོག་ཏུ་བསྒྲུབ་པར་འགྱུར་བར་བྱ།། རྣམ་གྲོལ་མཐོང་དང་སངས་རྒྱས་དང་།། སྒྲ་བསྒྲགས་རྣམ་པར་འདྲེན་པ་དང་།། འཇིག་རྟེན་གྱི་ནི་ཕ་དང་མ།། དེ་ནི་བྱང་ཆུབ་སེམས་ཤེས་བྱ།། འཇིག་རྟེན་དུ་ནི
359b2 ཆོས་འདི་གང་སྟོན་པ། ། དགེ་བའི་བཤེས་གཉེན་མཆོག་ཏུ་རབ་རྙེད་དཀའ།། སངས་རྒྱས་བསྟན་ལ་གང་དག་གུས་ཉན་པ།། དེ་དག་བླ་མེད་སངས་རྒྱས་བདེ་གཤེགས་འགྱུར།། ཞི་བ་སངས་རྒྱས་སྲས
359b3 རྣམས་ལ། ། གང་དག་གུས་དང་བཅས་འགྱུར་བ།། དེ་དག་ཀྱང་ནི་སེམས་ཅན་ཀུན།། ཐར་བྱེད་འཇིག་རྟེན་མགོན་དུར་གྱུར།། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་སྨན
359b4 གྱི་སྡེས་འདི་སྐད་ཅེས་གསོལ་ཏོ། ། བཅོམ་ལྡན་འདས་ཅིའི་སླད་དུ་དོག་ས་འདི་དག་གཡོ། རབ་ཏུ་གཡོ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ
359b5 སྨན་གྱི་སྡེ་ལ་འདི་སྐད་ཅེས་བཀའ་སྩལ་ཏོ། ། སྨན་གྱི་སྡེ་ཅི་དེ་མཐོང་ངམ་ལྟོས། བྱང་ཆུབ་སེམས་དཔའ་སེམས་དཔའ་ཆེན་པོ་སྨན་གྱི་སྡེས་བལྟས་པ་དང་། ཕྱོགས་བཞི་ན་སགས་པ་མཐོང་ངོ་།། ས
359b6 གས་པས་སགས་པའི་ཕྲག་ནས། མི་བྱེ་བ་ཕྲག་ཉི་ཤུ་བྱུང་བ་དང་། འོག་གི་ཕྱོགས་ནུས་མི་བྱེ་བ་ཕྲག་ཉི་ཤུ་བྱུང་བ་དང་། སྟེང་གི་ཕྱོགས་ནས་མི་བྱེ་བ་ཕྲག་ཉི་ཤུ་རྩ་ལྔ་བྱུང་བ་མཐོང་ངོ་།། དེ་ནས་སེམས་ཅན
359b7 གཞོན་ནུ་དེ་དག་གིས་རྣམ་པར་བལྟས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་འདིར་སུ་དག་སྐྱེས། བཅོམ་ལྡན་འདས་ཀྱིས་བཀའ་སྩལ་པ། ཁྱེད་ཅག་སྐྱེ་བོའི་ཚིགས
iiif viewer powered by OpenSeadragon
