| e-texts navigator |
| Wylie |
358a1 རི་དགས་རྣམས་ནི་མཉེས་པར།། བདག་གིས་མངས་ཀྱང་རི་དགས་པསད།། འཇིག་རྟེན་ཕྱི་མ་མ་ཤེས་པས།། བདག་གིས་འདྲི་འདྲའི་སྡིག་བྱས་ཤིང་།། བདག
358a2 གིས་གཞན་གྱིས་ཤ་ཟོས་པས། ། དེ་ཕྱིར་བདག་གི་སྡུག་བསྔལ་འདི།། མི་བཟད་འོང་བར་འགྱུར་པ་ཡི།། འཆི་བ་བདག་གིས་མ་ཤེས་ཏེ།། བདག་ནི་བྱིས་པའི་བློར་གྱུར་པས།། བདག་གིས་ལུས
358a3 ཀྱང་གསོ་བ་བྱས། ། དེང་ནི་བདག་ལ་འཆི་འོང་ན།། སྐྱབས་བྱེད་པ་ནི་སུ་ཡང་མེད།། གཉེན་རྣམས་ཁྱེད་ཅག་ཐམས་ཅད་ཀྱང་།། ང་ཡི་གདོང་དུ་བལྟར་ཅི་ཡོད།། ཅི་ཞིག་ཕྱིར་ནི་གོས་འདྲལ་ཞིང་།།
358a4 ཅི་ཕྱིར་ངུ་ཞིང་སྨྲེ་སྔགས་འདོན།། ཅི་ཕྱིར་སྒྲ་རྣམས་རབ་འཇིག་ཅིང་།། ཅི་ཕྱིར་ཁྲག་ཀྱང་འབྱིན་པར་བྱེད།། ཅི་ཕྱིར་མགོ་ལ་རྡུལ་འཐོར་ཞིང་།། བྲང་ཡང་རབ་ཏུ་རྡུང་བར་བྱེད།། བདག་གསོན་ཚེ་ན་སྡིག་པ
358a5 རྣམས། ། སྤང་བར་བྱ་རིགས་ཁྱེད་ཅི་གདུང་།། བདག་གི་ལུས་ནི་སྨྱུང་ཀི་དང་།། ཁྱི་དང་ཝ་དང་བྱ་རོག་དང་། བྱ་རྣམས་ཀྱིས་ཀྱང་བཟའ་བར་འགྱུར།། ལུས་འདིར་དགོས་པ་མེད་པར་གསོས།། འཆི་བའི་སྦྲུལ
358a6 དང་ལྡན་གྱུར་ནས། ། མི་ནི་རྟག་ཏུ་སྐྱེ་བར་འགྱུར།། འཇིགས་པ་འདི་ལས་གྲོལ་འགྱུར་བ།། དེ་ལྟ་བུ་ཡི་སྨན་རྣམས་བསྟེན།། བདག་ལ་སྨན་པས་གང་བ་ནི།། སྨན་དེ་དགོས་པ་མ་ཡིན་ནོ།། ཉོན་མོངས་སྤྲུལ་ལས
358a7 ཐར་བྱེད་པ། ། དེ་ལྟར་ཆོས་ཀྱི་སྨན་རྣམས་ནི།། འཆི་བར་བདག་ལ་སྦྱིན་པར་བྱོས།། ཤ་ནི་ང་ལ་མ་སྦྱིན་ཅིག། ལུས་འདི་གསོ་བ་བྱས་ཀྱང་ནི།། གདོམ་མི་ཟ་བར་འཇིག་པར་འགྱུར།། གང་ཕྱིར་སྡུག་བསྔལ་སྦྱིན
iiif viewer powered by OpenSeadragon
