| e-texts navigator |
| Wylie |
357b1 ཞིམ་ཟོས་ཏེ། ། ལྕེས་ཀྱང་སྣ་ཚོགས་དེ་བཞིན་ནོ།། ཕྲེང་བ་སྣ་ཚོགས་བཟང་མཛེས་པ།། རབ་ཏུ་མང་པོ་མགོ་ལ་བཅིངས།། མིག་ནི་གཟུགས་ཀྱིས་འཁྲུལ་བྱས་ཏེ།། མིག་གི་སྐྱབས་ནི་ཡོད་མ་ཡིན།།
357b2 བདག་གིས་མཐོང་ནས་གང་བྱས་པ།། སྡིག་པ་རྣམས་ནི་མིག་གི་རྒྱུ།། ལག་པ་རྡོ་རྗེས་བཅད་པ་ནི།། བདག་གི་རྣ་བའི་རྒྱུ་ཡིན་ནོ།། ལག་པ་གཉིས་ལ་གདུ་བུ་བཏགས།། སོར་མོ་རྣམས་ལ་སོར་གདུབ
357b3 བཅུག། མགུལ་དུ་མུ་ཏིག་ས་མོ་དོ།། རྐང་པ་གཉིས་ཀྱང་རབ་ཏུ་བརྒྱན།། དེ་ལ་དྲ་བ་བྱས་པ་དང་།། དེ་ལ་གསེར་ཡང་གནས་པར་བྱས།། ལུས་ལ་རིན་ཆེན་སྣ་ཚོགས་དང་།། གསེར་གྱི་གདུ་བུ་རང་དེ
357b4 བཞིན་ནོ། ། ལོངས་སྤྱོད་ཆེན་པོས་རབ་བརྩེས་ནས།། ཡིད་ཀྱང་ཤིན་ཏུ་རྟག་པར་གྱུར།། རབ་ཏུ་འཇམ་ལ་བདག་རེག་ནས།། ཤིན་ཏུ་སྲེད་པས་དེ་བསྟེན་ཏོ།། གདིང་བ་སྣ་ཚོགས་མལ་ཆ་ཡིས།།
357b5 བདག་གིས་ལུས་ནི་རྩེར་བཅུག་གོ། སྤོས་ཆུ་བཟང་པོས་ཁྲུས་བྱས་ཏེ།། སྤོས་རྣམས་ཀྱིས་ཀྱང་རབ་ཏུ་བསྐུས།། ལྷ་རྫས་ག་པུ་ར་ཙན་དན་གྱི།། བདུག་པ་རྣམས་ཀྱིས་རབ་ཏུ་བདུགས།། ཁ་དོག་བཟང་པོ
357b6 བྱས་ནས་ཀྱང་། ། གླ་རྩི་ལྡན་པས་རབ་ཏུ་བསྒོས།། ལེ་ལོན་འབྲུ་མར་དྲི་དག་དང་།། སྣ་མ་ཙམ་པ་ཀ་ལ་སོགས།། བསྐུས་ནས་པྲ་མོ་ཀ་ཤི་པ།། དཀར་པོའི་གོས་ཀྱང་རབ་ཏུ་བགོས།། གླང་པོའི་རྒྱབ
357b7 ནས་བབས་ནས་སུ། ། རྟ་ཡི་རྒྱབ་ཏུ་མངོན་པར་ཞོན།། བདག་ནི་རྒྱལ་པོ་ཡིན་སྙམ་སེམས།། སྐྱེ་བོ་དག་ནི་མདུན་ན་རྒྱུག། གླུ་གར་ཤིན་ཏུ་བསླབས་པ་ཡི།། སྲས་རྣམས་ཀྱང་ནི་རབ་ཏུ་ཤེས།།
iiif viewer powered by OpenSeadragon
