| e-texts navigator |
| Wylie |
357a1 སྒོ་སྙེད་མི་འགྱུར་ཏེ། ། ཕྱིས་ཀྱང་བུམ་པར་རབ་ཏུ་སྦྱང་།། སཱུ་ཀྲི་ཞེས་བྱ་སེམས་དམྱལ་དུ།། སྤུ་གྲི་སྟོང་ཡང་འབྱུང་བར་འགྱུར།། བྱེ་བ་སྟོང་ཕྲག་ཁྲི་རྣམས་ཀྱི།། སྤུ་གྲི་མདུན་དུ
357a2 འབྱུང་འགྱུར་ཏེ། ། བདག་གིས་ཉེས་པའི་ལས་བྱས་པས།། དེ་དག་གིས་ནི་དེ་ལུས་གཏུབས།། རླུང་འཁྲུགས་ཆེན་པོ་མི་བཟད་པས།། ལུས་དེ་ཐམས་ཅད་འཇིག་པར་བྱེད།། རྟག་ཏུ་འདི་འདྲའི་སེམས
357a3 དམྱལ་དུ། ། བདག་གིས་སྡུག་བསྔལ་མྱོང་བར་འགྱུར།། ལུས་ནི་རབ་ཏུ་སྡུག་བསྔལ་རབ།། སེམས་ཅན་ཀུན་གྱིས་བདག་མཐོང་ངོ་།། ཁྱིམ་སོ་བྱ་ཕྱིར་གཞན་དག་གི། ནོར་ཡང་བདག་གིས་རབ་ཏུ་བླངས།།
357a4 བདག་གིས་བུ་ཕོ་བུ་མོ་དང་།། དེ་བཞིན་ཕུ་ནུ་སྲིང་མོ་དང་།། བདག་གི་ཕ་མ་རང་དེ་བཞིན་ཏེ།། མཛའ་བོ་གཉེན་བཤེས་མང་པོ་དང་།། བྲན་དང་ལས་བྱེད་རྣམས་དང་ནི།། དེ་བཞིན་པ་དང་ཕྱུགས་དང་གཡོག།
357a5 དགོས་པ་ངན་ལ་བདག་འཁྲུལ་ཏེ།། གསེར་དང་དངུལ་གྱི་སྣོད་རྣམས་དང་།། དེ་བཞིན་ཕྲ་རབ་གོས་རྣམས་དང་།། ཁྱིམ་བྱེད་བཅུག་པས་འཁྲུལ་པ་སྟེ།། ཁྱིམ་ཡང་ཤིན་དུ་བཀྲ་བྱས་ནས།། སྐྱེས་པ་བུད
357a6 མེད་ལང་ལོང་དང་། ། པི་ཝ་བསིལ་སྙན་འཁྲོལ་བ་ལ།། བདག་ཡིད་མ་དུལ་དགའ་བར་གྱུར།། སྤོས་ཆུ་དག་གིས་ལུས་བཀྲུས་ཀྱང་།། ད་དུང་བྱས་པ་གཟོ་བ་མེད།། ལུས་ཁྱོད་སེམས་པ་མེད་པ
357a7 སྟེ། ། ང་ནི་ཁྱོད་ཀྱི་ཆེད་ལ་འཁྲུལ།། ཕྱིན་ཆད་སེམས་ཅན་འགའ་ཙམ་ཡང་།། བདག་ལ་སྐྱོབ་པར་འགྱུར་བ་མེད།། རླུང་འཁྲུག་ཆེན་པོ་མི་བཟད་པར།། ལུས་ནི་ཡོངས་སུ་གདུང་བ་ན།། རོ་དང་ལྡན་པ
iiif viewer powered by OpenSeadragon
