| e-texts navigator |
| Wylie |
310b1 པ། བཅོམ་ལྡན་འདས་སེམས་ཅན་དེ་དག་གི་འགྲོ་བ་གང་ལགས། ཚེ་སླད་མ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་ཏུ་དཔའ་བ་སེམས་ཅན་དམ་པའི་ཆོས་ལ་སྨོད་པ་རྣམས་ཀྱི་འགྲོ་བ
310b2 ནི་མཐའ་ཡས་ཏེ། ཚེ་ཕྱི་མ་ཡང་མཐའ་ཡས་སོ།། ཀུན་ཏུ་དཔའ་བ་དམ་པའི་ཆོས་སྤོང་བའི་སེམས་ཅན་དེ་དག་ནི་བསྐལ་པར་སེམས་ཅན་དམྱལ་བ་ཆེན་པོ་ངུ་འབོད་དུ་ཚོར་བ་མྱོང་བར་འགྱུར་རོ།། བསྐལ་པར་བསྡུས
310b3 གཞོམ་དང་། བསྐལ་པར་ཚ་བ་དང་། བསྐལ་པར་རབ་ཏུ་ཚ་བ་དང་། བསྐལ་པར་སེམས་ཅན་དམྱལ་བ་ཆེན་པོ་ཐིག་ནག་དང་། བསྐལ་པར་སེམས་ཅན་དམྱལ་བ་ཆེན་པོ་མནར་མེད་པ་དང་། བསྐལ་པར་སེམས་ཅན
310b4 དམྱལ་བ་ཆེན་པོ་སྤུ་རིང་ཞེས་བྱེད་པ་དང་། བསྐལ་པར་སེམས་ཅན་དམྱལ་བ་ཆེན་པོ་ཀྱི་ཧུད་ཟེར་བ་དང་། ཀུན་ཏུ་དཔའ་བ་སེམས་ཅན་དམྱལ་བ་ཆེན་པོ་བརྒྱད་པོ་དེ་དག་ཏུ། བསྐལ་པ་བརྒྱད་ཀྱི་བར་དུ་སྡུག་བསྔལ་མྱོང་བར།
310b5 འགྱུར་རོ།། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་དཔའ་བས་འདི་སྐད་ཅེས་གསོལ་ཏོ།། བཅོམ་ལྡན་འདས་སྡུག་བསྔལ་ལགས་སོ།། བདེ་བར་གཤེགས་པ་སྡུག་བསྔལ
310b6 ལགས་སོ། ། ཉན་པར་མི་སྤྲོའོ།། དེ་ནས་བཅོམ་ལྡན་འདས་ཀྱིས་དེའི་ཚེ། ཚིགས་སུ་བཅད་པ་འདི་དག་བཀའ་སྩལ་ཏོ།། སེམས་ཅན་དམྱལ་བ་སེམས་ཅན་རྣམས།། ཇི་ལྟར་སྡུག་བསྔལ་རབ་ཚེར་མྱོང་།།
310b7 འཇིགས་པ་ཆེན་པོའི་ཚིག་འདི་ལ།། ཁྱོད་ནི་ཉན་པར་སྤྲོ་མ་ཡི།། གང་ཞིག་དགེ་བའི་ལས་བྱེད་པ།། དེ་ནི་དགེ་བར་འགྱུར་བ་ཡིན།། གང་ཞིག་མི་དགེ་ལས་བྱེད་པ།། དེ་ཡང་སྡུག་བསྔལ་ཉིད་དུ་འགྱུར།། གང་ཞིག་བདེ་རྒྱུ
iiif viewer powered by OpenSeadragon
