| e-texts navigator |
| Wylie |
310a1 དེས་སེམས་ཅན་གཞན་ལ་མཚོན་རྣོན་པོས་བཏབ་ན། མཚོན་ཐང་ཅིག་བཏབ་པས་སྲོག་ཆོད་མ་ནུས་ཀྱང་། ཀུན་ཏུ་དཔའ་བ་རྨ་འབྱུང་བར་འགྱུར་ཏེ། སྨན་གྱིས་སྦྱར་ན་དེའི་མ་འཚོ་བར
310a2 འགྱུར་རོ། ། ནམ་སོས་པར་གྱུར་པ་དེ་ན། སྡུག་བསྔལ་དྲན་ནས། ད་ནི་བདག་གིས་ཤེས་ཀྱིས། ལན་འགའ་ཡང་སྡིག་པ་མི་དགེ་བའི་ལས་མངོན་པར་འདུ་བྱ་བ་མི་བྱའོ་སྙམ་དུ་སེམས་པ། དེ་བཞིན་དུ་ཀུན
310a3 ཏུ་དཔའ་བ་མི་དེ་ནམ་སྡུག་བསྔལ་དྲན་པ་དེ་ན། སྡིག་པ་ཐམས་ཅད་ཡོངས་སུ་སྤོང་ངོ་།། དེའི་ཚེ་ཆོས་ཐམས་ཅད་མངོན་སུམ་དུ་བྱེད་པར་འགྱུར་རོ།། ཆོས་ཐམས་ཅད་མངོན་སུམ་དུ་བྱས་ནས། དེའི་ཚེ་དགེ།
310a4 བའི་ཆོས་ཐམས་ཅད་ཡོངས་སུ་རྫོགས་པར་བྱེད་པར་འགྱུར་རོ།། ཀུན་ཏུ་དཔའ་བ་འདི་ལྟ་སྟེ། དཔེར་ན་མི་ཞིག་ཤི་བའི་ཕ་མ་མྱ་ངན་བྱེད་ཅིང་སྨྲེ་སྔགས་འདོན་ཀྱང་དེ་ལ་སྐྱབས་བྱེད་ནུས་པ་མེད་པ
310a5 དེ་བཞིན་དུ། ཀུན་ཏུ་དཔའ་བ་བྱིས་པ་སོ་སོའི་སྐྱེ་བོའི་སེམས་ཅན་རྣམས་ཀྱང་། བདག་ལ་ཕན་པ་དང་། གཞན་ལ་ཕན་པ་བྱེད་མི་ནུས་ཏེ། ཕ་མ་དེ་རེ་ཐག་ཆད་པ་བཞིན་དུ་སེམས་ཅན་དེ་དག་ཀྱང
310a6 འཆི་བའི་དུས་ཀྱི་ཚེ་རེ་ཟག་ཆད་པར་འགྱུར་རོ། ། ཀུན་ཏུ་དཔའ་བ་གཉིས་པོ་འདི་དག་ནི་སེམས་ཅན་རྣམས་ཀྱི་རེ་ཐག་ཆད་པ་ཡིན་ཏེ། གཉིས་གང་ཞེ་ན། འདི་ལྟ་སྟེ། གཅིག་ནི་སེམས་ཅན་སྡིག་པ
310a7 བྱེད་པ་འམ། བྱེད་དུ་འཇུག་པའོ།། མི་ཅིག་ཤོས་ནི་དམ་པའི་ཚེ་སློང་བ་སྟེ། གཉིས་པོ་དེ་དག་ནི་སེམས་ཅན་རྣམས་འཆི་བའི་དུས་ཀྱིས་ཚེར་ཐག་ཆད་པའོ།། བྱང་ཆུབ་སེམས་དཔའ་ཀུན་ཏུ་དཔའ་བས་གསོལ།
iiif viewer powered by OpenSeadragon
