| e-texts navigator |
| Wylie |
309b1 ཀུན་ཏུ་དཔའ་བ་མང་ངོ་།། གསོལ་པ། བཅོམ་ལྡན་འདས་སེམས་ཅན་དེ་དག་སྡིག་པའི་ལས་ཀྱི་ཕུང་པོ་ཇི་ཙམ་ཞིག་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཀུན་ཏུ་དཔའ་བ་ཁ་རོག་ཁ་རོག།
309b2 ང་ལ་སྡིག་པའི་ལས་ཀྱི་ཕུང་པོ་ཀུན་མ་འདྲི་ཤིག། ཀུན་ཏུ་དཔའ་བ་གང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གངྒཱའི་ཀླུང་བཅུ་གཉིས་ཀྱི་བྱེ་མ་སྙེད་ལ་གནོད་སེམས་བསྐྱེད
309b3 པ་བསྐྱེད་པས་ནི། གང་ཟུང་གི་མདོ་ལ་སྨོད་པ་དེ། དེ་བས་མི་དགེ་བའི་ཕུང་པོ་ཆེས་མང་དུ་སྐྱེད་དོ།། ཀུན་ཏུ་དཔའ་བ་གང་དག་ཐེག་པ་ཆེན་པོ་ལ་གནོད་པའི་སེམས་སྐྱེད་པ་དེ་དག་ཀྱང་། དེ་བས་མི་དགེ་བའི
309b4 ཕུང་པོ་ཆེས་མང་དུ་སྐྱེད་པར་འགྱུར་ཏེ། ཀུན་ཏུ་དཔའ་བ་སེམས་ཅན་དེ་དག་ནི་ཚིག་པའོ།། ཚིག་པ་ཉིད་དོ།། ཀུན་ཏུ་དཔའ་བས་གསོལ་པ། བཅོམ་ལྡན་འདས་སེམས་ཅན་དེ་དག་ནི་ཐར་པར་བགྱི་མི་ནུས
309b5 ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཀུན་ཏུ་དཔའ་བ་དེ་བཞིན་ཏེ། ཐར་པར་བྱ་བར་མི་ནུས་སོ།། ཀུན་ཏུ་དཔའ་བ་འདི་ལྟ་སྟེ། དཔེར་ན་མི་ལ་ལ་ཞིག་གི་མགོ་བཅད་ན། དེ་ལ་དེས
309b6 སྨན་སྦྲང་རྩི་འམ། དཀར་རའམ། བུ་རམ་མམ། མར་རམ། འབྲུ་མར་རམ། བསྐུ་བའི་སྨན་གང་ཡང་རུང་བ་ཞིག་གིས་མགོ་ལ་བསྐུས་ན། ཀུན་ཏུ་དཔའ་བ་འདི་ཇི་སྙམ་དུ་སེམས། སེམས་ཅན་དེ
309b7 སླར་ལྡང་ནུས་སམ། ཀུན་ཏུ་དཔའ་བས་གསོལ་པ། བཅོམ་ལྡན་འདས་རྔོ་མི་ཐོག་གོ།། བཅོམ་ལྡན་འདས་ཀྱིས་བཀའ་སྩལ་པ། ཀུན་ཏུ་དཔའ་བ་གཞན་ཡང་མི་གཞན་ཞིག་ཀྱང་ཡོད་པར་གྱུར་ལ།
iiif viewer powered by OpenSeadragon
