| e-texts navigator |
| Wylie |
308b1 ། མཐའ་དག་རྫོགས་པར་རྒྱ་ཆེར་ཐོས་པ་ལྟ་ཅི་སྨོས་ཀྱིས་མ་འཇིགས་ཤིག་ཅེས་དབུགས་འབྱིན་པར་འགྱུར་རོ།། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་དཔའ་བས་འདི
308b2 སྐད་ཅེས་གསོལ་ཏོ། ། བཅོམ་ལྡན་འདས་པདག་གིས་ཀྱང་ཟུང་གི་མདོའི་ཆོས་ཀྱི་རྣམ་གྲངས་ཆེན་པོ་མཉན་པར་བགྱི་ན། བཅོམ་ལྡན་འདས་བདག་བསོད་ནམས་ཀྱི་ཕུང་པོ་ཇི་ཙམ་ཞིག་སྐྱེད་པར་འགྱུར།
308b3 བཅོམ་ལྡན་འདས་ཀྱིས་བཀའ་སྩལ་པ། ཀུན་ཏུ་དཔའ་བ་སངས་རྒྱས་བཅོམ་ལྡན་འདས་གངྒཱའི་ཀླུང་གི་བྱེ་མ་སྙེད་དང་མཉམ་པ་རྣམས་ཀྱི་བསོད་ནམས་ཀྱི་ཕུང་པོ་ཇི་སྙེད་པར་སེམས་ཅན་དེ་ཡང་བསོད
308b4 ནམས་ཀྱི་ཕུང་པོ་དེ་སྙེད་སྐྱེད་པར་འགྱུར་རོ། ། གསོལ་པ། བཅོམ་ལྡན་འདས་ནམ་བདག་ཟུང་གི་མདོའི་ཆོས་ཀྱི་རྣམ་གྲངས་ཆེན་པོ་ཉན་པ་དེ་ན་བཅོམ་ལྡན་འདས་ངོམས་མ་འཚལ་ཏོ།། བཅོམ་ལྡན
308b5 འདས་ཀྱིས་བཀའ་སྩལ་པ། ཀུན་ཏུ་དཔའ་བ་ཁྱོད་ཆོས་རྣམས་ཀྱིས་ངོམས་མི་ཤེས་པ་ནི་ལེགས་སོ་ལེགས་སོ།། ཀུན་ཏུ་དཔའ་བ་ང་ཡང་ཆོས་རྣམས་ཀྱིས་ངོམས་མི་ཤེས་ན། ཀུན་ཏུ་དཔའ་བ་བྱིས་པ་སོ་སོའི་སྐྱེ
308b6 བོ་རྣམས་ཀྱིས་ངོམས་མི་མྱོང་བར་བྱ་བ་ལྟ་ཅི་སྨོས། ཀུན་ཏུ་དཔའ་བ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཐེག་པ་ཆེན་པོ་ལ་དད་པསྐྱེད་པ་དེ་བསྐལ་པ་སྟོང་ཕྲག་དུ་མ་ལོག་པར་ལྷུང་བར་འགྲོ་བར་མི་འགྱུར།
308b7 བསྐལ་པ་ལྔ་སྟོང་དུ་དུད་འགྲོར་སྐྱེ་བར་མི་འགྱུར། བསྐལ་པ་ཁྲི་ཉིས་སྟོང་དུ་བློ་ངན་པར་མི་འགྱུར། བསྐལ་པ་ཁྲི་བརྒྱད་སྟོང་དུ་མཐའ་འཁོབ་ཀྱི་སྐྱེ་བར་མི་འགྱུར། བསྐལ་པ་ཉི་ཁྲིར་བར་ཏུ་སྦྱིན་པ་ལ་དགའ་བར་འགྱུར།
iiif viewer powered by OpenSeadragon
