| e-texts navigator |
| Wylie |
307b1 བཀའ་སྩལ་པ། སེམས་ཅན་དེ་དག་གི་ཚེའི་ཚད་ནི་བསྐལ་པ་བརྒྱད་ཅུ་ཐུབ་པར་འགྱུར་རོ།། བྱང་ཆུབ་སེམས་དཔར་ཀུན་ཏུ་དཔའ་བས་གསོལ་པ། བཅོམ་ལྡན་འདས་བསྐལ་པའི་ཚད་ཇི་ཙམ་ལགས། བཅོམ་ལྡན
307b2 འདས་ཀྱིས་བཀའ་སྩལ་པ། རིགས་ཀྱི་བུ་ཉོན་ཅིག། འདི་ལྟ་སྟེ་དཔེར་ན། མི་ལ་ལ་ཞིག་གིས་ར་བ་ཆུ་ཞེང་དུ་དཔག་ཚད་བཅུ་གཉིས་ལ་འཕང་དུ་དཔག་ཚད་སུམ་པ་ཞིག་བརྩིགས་ཏེ། ར་བ་དེའི་ནང་ཏིལ་གྱི་འབྲུ
307b3 ཤ་སྟག་གིས་ཡོངས་སུ་གང་བར་བྱས་ལ། དེ་ནས་མི་དེས་ལོ་སྟོང་འདས་ཤིང་། ར་བ་ཏིལ་གྱི་འབྲུས་ཡོངས་སུ་གང་བ་དེ་ལས་ཏིལ་གྱི་འབྲུ་གཅིག་ཕྱི་རོལ་དུ་བོར་ཏེ་དེ་ལྟ་བུའི་ཚུལ་དུ་མི་དེས། ཏིལ་གྱི་འབྲུ་དེ་དག
307b4 ཐམས་ཅད་ཟད་པར་བྱས་ལ། ར་བ་དེ་རྨང་ཡང་མེད། གཞི་ཡང་མེད་པར་གྱུར་དུ་ཟིན་ཀྱང་། བསྐལ་པ་ནི་ཟད་པར་མི་འགྱུར་རོ།། ཀུན་ཏུ་དཔའ་བ་གཞན་ཡང་འདི་ལྟ་སྟེ་དཔེར་ན། རི་རྔམས་སུ་དཔག་ཚད་ལྡན
307b5 འཕང་དུ་དཔག་ཚད་བཅུ་གཉིས་པ་ཞིག་ཡོད་ལ། དེ་ནས་མི་ལ་ལ་ཞིག་གིས། རི་དེའི་ངོས་ལ་ཁྱིམ་བརྩིགས་ཏེ། དུས་རིང་པོ་ལོ་བརྒྱ་འདས་ཤིང་། ཀ་ཤི་ཀའི་རས་ཀྱིས་ལན་ཅིག་ཕྱིས་ཏེ། དེ་ལྟར་བྱས་པས
307b6 རི་དེ་ཟད་པར་གྱུར་དུ་ཟིན་ཀྱང་། བསྐལ་པ་ནི་ཟད་པར་མི་འགྱུར་རོ།། ཀུན་ཏུ་དཔའང་བསྐལ་པའི་ཚད་ནི་དེ་ཡིན་ནོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་དཔའ་བསྟན་ལས་ལངས
307b7 ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བསྔོ་བ་གཅིག་ཀྱང་བསོད་ནམས་ཀྱི་ཕུང་པོ་མང་དུ་སྐྱེད་པ་ནི་འདི་ལྟ་སྟེ། བདེ་བར་ཚེའི་ཚད་བསྐལ་པ་དགུ་ཅུ་ཐུབ་པར་འགྱུར་ན
iiif viewer powered by OpenSeadragon
