| e-texts navigator |
| Wylie |
307a1 པ་དེའི་ཚེ་དེའི་དུས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་དཔལ་ཞེས་བྱ་བ་རིག་པ་དང་ཞབས་སུ་ལྡན་པ། བདེ་བར་གཤེགས
307a2 པ། འཇིག་རྟེན་མཁྱེན་པ། སྐྱེས་དུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ངོ་།། ཀུན་ཏུ་དཔའ་བ་དེའི་ཚེ་དེའི་དུས་ན།
307a3 ང་བྲམ་ཟེའི་ཁྱེའུ་ཞིག་ཏུ་གྱུར་ཏེ། ངས་སེམས་ཅན་གང་དག་སངས་རྒྱས་ཀྱི་ཡེ་ཤེས་ལ་སོ་སོར་བཀོད་པ་དེ་དག་ཐམས་ཅད། དེའི་ཚེ་དེའི་དུས་ན། རི་དགས་སུ་གྱུར་ནས། ངས་དེའི་ཚེ་དེའི་དུས་ན། འདི
307a4 སྐད་དུ་ད་ལྔར་རི་དགས་གང་ལ་ལ་སྡུག་བསྔལ་གྱིས་ཡོངས་སུ་གཟིར་བར་གྱུར་པ་དེ་དག་ཐམས་ཅད། ངའི་སངས་རྒྱས་ཀྱི་ཞིང་དུ་སྐྱེ་བར་གྱུར་ཅིག། དེ་དག་ཐམས་ཅད་ཀྱང་བདག་གིས་སངས་རྒྱས་ཀྱི
307a5 ཡེ་ཤེས་ལ་སོ་སོར་འགོད་པར་གྱུར་ཅིག་ཅེས་སྨོན་ལམ་བཏབ་སྟེ། རི་དགས་དེ་དག་གིས་ཀྱང་ཚིག་དེ་ཐོས་ནས། དེ་བཞིན་དུ་གྱུར་ཅིག་ཅེས་དེ་སྐད་སྨྲས་ཏེ། ཀུན་ཏུ་དཔའ་བ་དགེ་བའི་རྩ་བ་དེས་ན། སེམས
307a6 ཅན་དེ་དག་འདིར་ལྷགས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་དཔའ་བས
307a7 བཅོམ་ལྡན་འདས་ལས་སྤྲོ་བ་ཆེན་པོ་ཐོས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་སེམས་ཅན་དེ་དག་གི་ཚེའི་ཚད་ཇི་སྲིད་ཅིག་ཐུབ་པར་འགྱུར། བཅོམ་ལྡན་འདས་ཀྱིས
iiif viewer powered by OpenSeadragon
