| e-texts navigator |
| Wylie |
302b1 དཔལ་གྱི་སྙིང་པོ་ཆོས་ཀྱི་རྣམ་གྲངས་འདི་བུད་མེད་ཀྱིས་ཐོས་མ་ཐག་ཏུ་བུད་མེད་ཀྱི་དངོས་པོ་ལས་འགྱུར་ཏེ། རྒྱུ་གཉིས་མ་གཏོགས་པ་ནི་འདི་ལྟ་སྟེ། ཕྲག་དོག་དང་། སེར་སྣའོ།། དེ་ནས་ལྷའི་དབང་པོ་།
302b2 བྱིན་དང་། མི་མཇེད་ཀྱི་བདག་པོ་ཚངས་པ་དང་། རྒྱལ་པོ་ཆེན་པོ་བཞི་དང་། ལྷའི་བུ་བརྒྱ་སྟོང་དུ་མ་དག་གིས་ལྷའི་མེ་ཏོག་མནྡ་ར་བ་དག་བཅོམ་ལྡན་འདས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ
302b3 དག་ལ་མངོན་པར་གཏོར་ཏོ། ། ལྷའི་སིལ་སྙན་བྱེ་བ་ཁྲག་ཁྲིག་བརྒྱ་སྟོང་གསིལ་ནས་ཚིག་འདི་སྐད་ཅེས་ཀྱང་འཛེར་རོ།། ཆོས་ཀྱི་རྣམ་གྲངས་འདི་གང་དག་གི་རྣ་ལམ་དུ་གྲགས་པ་དང་། ལེགས་པར་སྟོན
302b4 ནས་འཛིན་པ་དང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟེན་པའི་སེམས་ཅན་དེ་དག་གིས་ནི་རྙེད་པ་ལེགས་པར་རྙེད་པར་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དག
302b5 ཇི་སྐད་སྨྲས་པ་དེ་དེ་བཞིན་ཏེ། ཆོས་ཀྱི་རྣམ་གྲངས་འདི་གང་དག་གི་ལག་ན་འདུག་པ་དང་། གང་དག་ཐོས་ནས་མོས་པར་འགྱུར་རིང་སེམས་ཅན་དེ་དག་ནི། སངས་རྒྱས་ཁྲི་ལ་དགེ་བའི་རྩ་བ་བསྐྱེད་པར་འགྱུར་རོ།།
302b6 དེ་ནས་སྲིང་མོ་རྡུལ་དང་བྲལ་ཞེས་བྱ་བ་འཁོར་དེར་འདུས་པར་གྱུར་ཏེ་འདུག་པ་དེ་སྟན་ལས་ལངས་ནས། ལྷག་པའི་བསམ་པས་ཚིག་འདི་སྐད་ཅེས། བཅོམ་ལྡན་འདས་བདག་གིས་ཀྱང་ལྷག་པའི་བསམ་པས
302b7 ཕྲག་དོག་དང་སེར་སྣ་སྤངས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བགྱིའོ།། བཅོམ་ལྡན་འདས་དེ་བཞིན་གཤེགས་པ་ནི་མེད་པ་གསུངས་པ་ལགས་ན། བཅོམ་ལྡན
iiif viewer powered by OpenSeadragon
