| e-texts navigator |
| Wylie |
301a1 དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པ་མཐོང་བ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུས་བྱས་སོ། ། མཐོང་ནས་ཀྱང་ཚིག་འདི་སྐད་ཅེས་འཛེར་ཏེ།
301a2 བཅོམ་ལྡན་འདས་ཇི་ཙམ་དུ་བྱང་ཆུབ་སེམས་དཔའ་སེམས་དཔའ་ཆེན་པོ་འདི་གཉིས་སངས་རྒྱས་བཅོམ་ལྡན་འདས་དག་གིས་ལེགས་པར་ཡོངས་སུ་བཟུང་བ་ལགས་ཏེ། འདི་ལྟར་སྐྱེས་བུ་དམ་པ་འདི་གཉིས་སངས་རྒྱས
301a3 བཅོམ་ལྡན་འདས་འདི་སྙེད་ཅིག་གིས་ལུང་སྟོན་པ་ནི་ངོ་མཚར་ཏོ། ། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་པདྨའི་དཔལ་གྱི་སྙིང་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་རིགས་ཀྱི་བུ་འམ།
301a4 རིགས་ཀྱི་བུ་མོ་གང་དེ་བཞིན་གཤེགས་པས་གསུངས་པའི་མདོ་སྡེ་ཟབ་མོ་འདི་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བགྱིད་པ་དང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་པ
301a5 དེའི་བསོད་ནམས་ཇི་སྙེད་ཅིག་འཕེལ་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་ཀྱིས་དེ་བཞིན་གཤེགས་པ་ལ་ཡོངས་སུ་འདྲི་བའི་གཏམ་འདིས་ཅི་ཞིག་བྱ། དེ་ཅིའི་ཕྱིར་ཞེ་ན།
301a6 རིགས་ཀྱི་བུ་སེམས་ཅན་དམན་པ་ལ་མོས་པ་དེ་དག་ནི་དེ་བཞིན་གཤེགས་པས་གསུངས་པ་ལ་ཡིད་མི་ཆེས་པར་འགྱུར་བའི་ཕྱིར་ཏེ། དེ་ལྟར་འདི་དག་ཡུན་རིང་པོར་གནོད་པ་དང་། ཕན་པ་མེད་པ་དང་། བདེ་བ་མེད་པ་དང་།
301a7 ལོག་པར་ལྟུང་བར་འགྱུར་རོ།། གསོལ་པ། བཅོམ་ལྡན་འདས་འཁོར་འདི་ན་རིགས་ཀྱི་བུ་དང་། རིགས་ཀྱི་བུ་མོ་དག་རྒྱ་ཆེན་པོ་ལ་མོས་པ་དང་། མོས་པ་མང་བ་དག་ཀྱང་མཆིས། སྲང་མའི་སྐྱེ་བོ་རྣམས་ལ
iiif viewer powered by OpenSeadragon
