| e-texts navigator |
| Wylie |
297b1 དེ་ལྟ་མ་ཡིན་ཏེ། དེ་སྲིད་དུ་འདི་གཉིས་ཀྱིས་བྱང་ཆུབ་ཏུ་སེམས་བསྐྱེད་དོ།། སྐྱེས་བུ་དམ་པ་འདི་གཉིས་ནི་བསམ་གྱིས་མི་ཁྱབ་པའི་གོ་ཆ་བགོས་ཤིང་ཡོན་ཏན་དཔག་དུ་མེད་པ་དང་ལྡན་ཏེ། འདི་གཉིས་ཀྱི་ཡོན།
297b2 ཏན་དག་གི་མཐའ་རྟོགས་པར་མི་ནུས་སོ།། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་པདྨའི་དཔལ་གྱི་སྙིང་པོས་འདི་སྐད་ཅེས་གསོལ་ཏོ།། འཇིག་རྟེན་གྱི་ཁམས་ཡོན་ཏན་རིན་ཆེན་བསགས་པ་དཔག
297b3 ཏུ་མེད་པ། བདེ་བ་ཀུན་ཏུ་སྟོན་པ་ཞེས་བགྱི་བ་དེ་དང་། བཅོམ་ལྡན་འདས་དེ་བཞིན་གཤེགས་པ་གསེར་འོད་སེང་གེ་རྣམ་པར་རོལ་པའི་རྒྱལ་པོ་ཞེས་བགྱི་བ་གང་ལགས་པ་དེ་འདི་ནས་ཕྱོགས་གང་ལོགས་ན་མཆིས།
297b4 བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ནུབ་ཕྱོགས་ལོགས་ན་སྟེ། འཇིག་རྟེན་གྱི་ཁམས་བདེ་བ་ཅན་དེ་ཉིད་དེའི་ཚེ་དེའི་དུས་ན། འཇིག་རྟེན་གྱི་ཁམས་ཡོན་ཏན་རིན་ཆེན་བསགས་པ་དཔག་ཏུ་མེད
297b5 པ། བདེ་བ་ཀུན་ཏུ་སྟོན་པ་ཞེས་བྱ་བར་གྱུར་ཏོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། བྱང་ཆུབ་སེམས་དཔའ་པདྨའི་དཔལ་གྱི་སྙིང་པོས་འདི་སྐད་ཅེས་གསོལ་ཏོ།། བཅོམ་ལྡན
297b6 འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སྐྱེ་བོ་མང་པོ་ལ་སྨན་པ་དང་། འཇིག་རྟེན་ལ་ཐུགས་བརྩེ་བ་དང་། སྐྱ་བོ་ཕལ་པོ་ཆེ་དང་། ལྷ་དང་། མི་ནམས
297b7 ཀྱི་དོན་དང་། སྨན་པ་དང་། བདེ་བར་བགྱི་བའི་སླད་དུ། སྐྱེས་བུ་དམ་པ་དེ་གཉིས་ཀྱི་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཅི་འདྲ་བར་འགྱུར་བ་དང་། ཉན་ཐོས་ཕུན་སུམ་ཚོགས་པ་ཅི་འདྲ་བ་དང་། ཚེ
iiif viewer powered by OpenSeadragon
