| e-texts navigator |
| Wylie |
295b1 མིང་ལ་མིང་ནི་ཡོད་མ་ཡིན།། ཆོས་རྣམས་ཐམས་ཅད་མིང་མེད་དེ།། འོན་ཀྱང་མིང་གིས་ཡོངས་སུ་བརྗོད།། མིང་གི་རང་བཞིན་གང་ཡིན་པ།། དེས་ནི་མ་མཐོང་མ་ཐོས་སོ།། ལས་ཀྱིས་འགགས་པ་མ་ཡིན།
295b2 ན།། འདི་ན་གང་གི་མིང་ཞིག་འདྲི།། ཐ་སྙད་དུ་ནི་མིང་བྱས་ནས།། མིང་བཏགས་བྱས་ཏེ་བསྟན་པ་ནི།། ཁོ་བོའི་མིང་ནི་རིན་ཆེན་སེམས།། ཅིག་ཤོས་རིན་ཆེན་མཆོག་ཅེས་བྱ།། པདྨའི་དཔལ་གྱི་སྙིང་པོ་དེ་ལྟར
295b3 ཁྱེའུ་གཉིས་ཀྱིས་ཚིགས་སུ་བཅད་པ་འདི་དག་སྨྲས་ཏེ། མངོན་པར་ཤེས་པ་ལྔ་བསྒྲུབས་ནས།། རྒྱལ་པོ་དཔལ་གྱི་གཟི་བརྗིད་དེ་དང་ལྷན་ཅིག་ཏུ།། བཅོམ་ལྡན་འདས་དེ་བཞིན་གཤེས་པ་དགྲ་བཅོམ་པ་ཡང་དག
295b4 པར་རྫོགས་པའི་སངས་རྒྱས་གསེར་འོད་སོང་གི་རྣམ་པར་རོལ་པའི་རྒྱལ་པོ་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན
295b5 གསུམ་བསྐོར་བ་བྱས་ནས་ཐལ་མོ་སྦར་ཏེ་ཕྱོགས་གཅིག་ཏུ་འཁོད་དོ། ། པདྨའི་དཔལ་གྱི་སྙིང་པོ་དེ་ལྟར་ཁྱེའུ་དེ་གཉིས་ཀྱིས་དབྱངས་གཅིག་ཏུ་ཚིགས་སུ་བཅད་དེ་གསོལ་བ། པདྨ་དག་དང་དྲི་བདའ་དང་།། མེ་ཏོག
295b6 འཕྲེང་དང་ན་བཟའ་འམ། ། འོན་ཏེ་ཟས་དང་སྐོམ་གྱིས་སམ།། རྒྱལ་བ་ཇི་ལྟར་མཆོད་པར་བགྱི།། རྫོགས་པའི་སངས་རྒྱས་རྐང་གཉིས་གཙོ།། ཇི་ལྟར་མཆོད་པར་གྱུར་པ་ལགས།། དོན་འདི་ལེགས
295b7 པར་བསྟན་དུ་གསོལ། ། འདྲེན་པ་ཐོས་ནས་འཚལ་བར་བགྱི།། པདྨའི་དཔལ་གྱི་སྙིང་པོ།། དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེས། ཁྱེའུ་དེ་གཉིས་ལ་ཚོགས་སུ་བཅད་དེ།
iiif viewer powered by OpenSeadragon
