| e-texts navigator |
| Wylie |
294b1 ཆེན་མོས་པ་སྤྱོད་ཡུལ་བ། ། སྔོན་གྱི་སངས་རྒྱས་སྤྱོད་ལ་འཇིགས་མ་མཆིས།། དེ་དག་རྟག་ཏུ་བདེ་གཤེགས་མདུན་ན་མཆིས།། བསྐལ་པ་བྱེ་བ་ཁྲག་ཁྲིག་བསམ་ཡས་སུ།། མི་མཆོག་མཐོང་བ
294b2 རྙེད་པར་ཤིན་ཏུ་དཀའ། ། བསོད་ནམས་ལས་ཀྱིས་བསམ་པ་ཡོངས་སྦྱངས་པ།། དེ་དག་མིག་ལམ་རྣམ་པར་འདྲེན་རྣམས་གདའ།། རྒྱལ་བའི་སྐུ་ནི་ཆོས་དབྱིངས་རྒྱས་པར་འགེངས།། ཞིང་རྣམས་རབ
294b3 འབྱམ་ཐམས་ཅད་ན་ཡང་གདའ། ། བཞུད་དང་བྱོན་པར་མངོན་པ་ཡོད་མ་མཆིས།། འོན་ཀྱང་འཇིག་རྟེན་དག་ན་སྣོད་བཞིན་གདའ།། བདེན་པ་གཟིགས་ཤིང་དོན་དམ་སྟོན་པ་པོ།། ཆོས་ཀྱི་སྦྱིན་བདག
294b4 ཞི་བའི་ཐུགས་ལྡན་པ། ། བརྒལ་ནས་སྲོག་ཆགས་བཅིངས་གྱུར་གཞན་སྒྲོལ་བ།། བདེ་བར་གཤེགས་པ་ཁྱོད་ལ་ཕྱག་འཚལ་ལོ།། ཁྱོད་ཀྱིས་སྐྱེ་བའི་ཤིང་ལྗོན་རྩ་ནས་བཏོན།། ང་རྒྱལ་རི་བོ་སྲ་བོ་རྡུལ་དུ
294b5 བརླགས། ། རྒོད་པ་མི་མངའ་གཡོ་དང་སྒྱུ་དང་བྲལ།། རབ་ནི་ཐུགས་དང་ལྡན་ལ་ཕྱག་འཚལ་ལོ།། མི་མཆོག་ཆགས་པ་ཐམས་ཅད་ཡོང་མི་མངའ།། དགོངས་པ་ས་དང་ཆུ་དང་མེ་དང་འདྲ།། རྒྱལ་བ
294b6 སེམས་ཅན་ཀུན་ལ་སྙོམས་ཐུགས་ལྡན། ། རླུང་དང་ནམ་མཁའ་འདྲ་ལ་ཕྱག་འཚལ་ལོ།། ཐུབ་པ་ཆེན་པོ་ཡོན་ཏན་འདི་འདྲའི་གཏེར།། བསོད་ནམས་རྒྱ་མཚོ་ལས་བྱུང་སྐུ་དང་ལྡན།། བསྐལ་པ་ཁྲག
294b7 ཁྲིག་དག་ཏུ་དེ་བརྗོད་ཀྱང་། ། ཡོན་ཏན་རྒྱ་མཚོ་ཟང་པར་ནུས་མ་ལགས།། ཡོན་ཏན་མངའ་བ་ལྷ་མིས་མཆོད་པ་ལ།། བདག་ནི་བུ་དང་བཅས་ཏེ་མཆོད་པ་བགྱིད།། རྒྱལ་བ་མཆོད་པའི་བསོད་ནམས་ཅི་མཆིས
iiif viewer powered by OpenSeadragon
