| e-texts navigator |
| Wylie |
92a1 བ་བཅུའི་ལས་ཀྱི་ལམ་དང་ལྡན་པར་གྱུར་ཏོ། ། སངས་རྒྱས་ཀྱི་ཞིང་དེ་ཡང་ཤིན་ཏུ་ཡོངས་སུ་དག་པར་གྱུར་ཏེ། རྣམ་པ་ཐམས་ཅད་ཕུན་སུམ་ཚོགས་ཤིང་རྣམ་པ་ཐམས
92a2 ཅད་ཡོངས་སུ་རྫོགས་སོ། ། གྲོང་ཁྱེར་དེ་ནི་འབྱུང་བ་མེད་ཅེས་བྱ་བར་གྱུར་ཏོ།། འཇམ་དཔལ་དེའི་ཚེ་ན་མི་རྣམས་ཀྱི་ཚེའི་ཚད་ནི་ལོ་འབུམ་ཚང་བར་འགྱུར་ཏེ། མ་ཚང་བར་འགའ་ཡང་འཆི་བའི
92a3 དུས་བྱེད་པ་མེད་དོ། ། འཇམ་དཔལ་གྲོང་ཁྱེར་འབྱུང་བ་མེད་ཅེས་བྱ་བ་དེར། རྒྱལ་པོ་རྣམ་པར་རྒྱལ་བ་ཞེས་བྱ་བ་ཞིག་བྱུང་སྟེ། འཇམ་དཔལ་རྒྱལ་པོ་རྣམ་པར་རྒྱལ་བ་ཞེས་བྱ་བ་དེ་ལ་བུ་སྟོང
92a4 ཡོད་པར་གྱུར་ཏོ། ། ཡང་འཇམ་དཔལ་རྒྱལ་པོ་རྣམ་པར་རྒྱལ་བ་ཞེས་བྱ་བ་བུ་སྟོང་དང་ལྷན་ཅིག་ཏུ་བཅོམ་ལྡན་འདས་དེ་བཞིན་གཤེགས་པ་ཆོས་ཏལ་ལའི་སྒྲོན་མ། ཉན་ཐོས་ཀྱི་དགེ་འདུན
92a5 དང་བཅས་པ་ལ། ན་བཟའ་དང་། བཤོས་དྲང་། མལ་སྟན་དང་། ནཱ་བའི་གསོས་སྨན་དང་། ཡོ་བྱད་ཀྱིས་བསྙེན་བཀུར་བྱས་པར་གྱུར་ཏོ།། བདེ་བའི་ཡོ་བྱད་ཐམས་ཅད་ཀྱིས་ཀྱང་བཀུར་སྟིར
92a6 བྱས་པར་གྱུར། བླ་མར་བྱས་པར་གྱུར། བསྟི་སྟང་བྱས་པར་གྱུར།། རིམ་གྲོ་བྱས་པར་གྱུར། མཆོད་པ་བྱས་པར་གྱུར་ཏོ།། འཇམ་དཔལ་དེ་ནས་རྒྱལ་པོ་རྣམ་པར་རྒྱལ་བ་བུ་སྟོང་དང་ལྷན་ཅིག་ཏུ།
92a7 བཅོམ་ལྡན་འདས་དེ་བཞིན་གཤེགས་པ་ཆོས་ཏ་ལ་ལའི་སྒྲོན་མ་ལ་ཆོས་ཀྱི་རྣམ་གྲངས་འདི་ཀུན་ཞུས་པར་གྱུར་ཏོ།། དེ་བཞིན་གཤེགས་པ་དེས་ཀྱང་དེའི་ལྷག་པའི་བསམ་པ་མཁྱེན་ནས་ཆོས་ཀྱི་རྣམ
iiif viewer powered by OpenSeadragon
