| e-texts navigator |
| Wylie |
91b1 པར་ནི་འཆང་བྱེད་དེ། ། ཆོས་རྣམས་ཐམས་ཅད་དངོས་པོ་མེད།། མཚན་མ་མེད་ཅིང་མཚན་ཉིད་མེད།། གཟུངས་འདོད་གང་ཞིག་འགྲོ་བྱེད་པ།། ཆོས་རྣམས་དེ་ལྟར་ཤེས་གྱུར་ཅིང་།།
91b2 ཆགས་པ་མེད་པར་རབ་འཆང་ན།། གཟུངས་ནི་བཞག་པར་གྱུར་པ་ཡིན།། འཇམ་དཔལ་སྔོན་བྱུང་བ་འདས་པའི་དུས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར
91b3 རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ།
91b4 སངས་རྒྱས་བཅོམ་ལྡན་འདས། ཆོས་ཏ་ལ་ལའི་སྒྲོན་མ་ཞེས་བྱ་བ་ཞིག་བྱུང་བར་གྱུར་ཏོ།། དེའི་སངས་རྒྱས་ཀྱི་ཞིང་ནི་རྡུལ་དང་བྲལ་བ་ཞེས་བྱ་བར་གྱུར་ཏེ།། མཉམ་པ་ཉམས་དགའ་བ
91b5 མཛེས་པ་བལྟ་ན་སྡུག་པ་དག་པ། འབྱོར་པ་རྒྱས་པ།། མི་དང་སྐྱེ་བོ་མང་པོས་གང་བར་གྱུར་ཏོ།། འཇམ་དཔལ་འཇིག་རྟེན་གྱི་ཁམས་དེ་ནི་བཻ་ཌཱུཪྻ་ལས་གྲུབ་ཅིང་གསེར་སྐུད་མིག་མངས་རིས
91b6 སུ་བྲིས་ཏེ། མིག་མངས་རིས་ཐམས་ཅད་ན་ཡང་རིན་པོ་ཆེའི་ཤིང་ལྗོན་པ་མེ་ཏོག་དང་འབྲས་བུར་ལྡན་པར་གྱུར་ཏོ།། ས་ཆེན་པོ་དེ་ཡང་ཀ་ཙ་ལིན་དི་ཀ་ལྟར་རེག་ན་བདེ་བར་གྱུར་ཏོ།། འཇམ་དཔ
91b7 སངས་རྒྱས་ཀྱི་ཞིང་དེ་ན། དུད་འགྲོ་དང་། ཡི་དགས་དང་། ལྷ་མ་ཡིན་ཐམས་ཅད་མེད་པར་གྱུར་ཏོ།། འཇམ་དཔལ་སངས་རྒྱས་ཀྱི་ཞིང་དེ་ན། སེམས་ཅན་གང་དག་སྐྱེས་པ་དེ་དག་ཀྱང་དགེ
iiif viewer powered by OpenSeadragon
