| e-texts navigator |
| Wylie |
90b1 དེ་ནི་གཟུངས་ཀྱི་མཚན་ཉིད་ཡིན།། ཆོས་རྣམས་ཐམས་ཅད་གཉེན་པོ་མེད།། དེ་ལྟར་མཚན་ཉིད་གཅིག་པ་སྟེ།། མཚན་ཉིད་མེད་པའི་ཆོས་རྣམས་ཀྱི།། གཉེན་པོ་ཡོད་པ་མ་ཡིན་ནོ།། ཆོས་ཀུན
90b2 བྱེ་བྲག་མེད་པ་སྟེ། ། དམ་པ་དང་ནི་ཐ་མ་མེད།། འདི་ལ་འདྲ་བ་གང་ཡང་མེད།། དེ་ཡི་ཕྱིར་ན་གཟུངས་ཞེས་བྱ།། མཚུངས་ཤིང་མཉམ་པར་ཞུགས་པས་ན།། ཆོས་ཀུན་ལ་ནི་སྣ་ཚོགས་མེད།།
90b3 གང་ན་སྣ་ཚོགས་ཡོད་མིན་པ།། དེ་ནི་གཟུངས་ཞེས་བྱ་བ་ཡིན།། ཆོས་རྣམས་ཐམས་ཅད་མེད་པས་ན།། འདིར་ནི་འོང་བ་ཡོད་མ་ཡིན།། འདིར་ནི་གཞན་ཡང་འཕོ་བ་མེད།། དེ་ནི་ཆོས་ཀྱི་ཆོས་ཉིད
90b4 ཡིན། ། ཆོས་རྣམས་ཐམས་ཅད་མ་འོངས་པས།། འདིར་ནི་འདུ་བར་འགྱུར་བ་མེད།། གང་ན་འདུ་བ་ཡོད་མིན་པ།། དེ་ནི་གཟུངས་ཞེས་བྱ་བ་ཡིན།། ཆོས་ཀུན་བསམ་གྱིས་མི་ཁྱབ་སྟེ།། དེ་ནི
90b5 ཡོད་དང་མེད་པ་མེད། ། དེ་ནི་འཛིན་པ་ཡོད་མ་ཡིན།། དེ་ནི་གཟུངས་ཀྱིས་མཚན་ཉིད་དོ།། རང་བཞིན་གྱིས་ནི་བདག་མེད་པས།། ཆོས་རྣམས་ཐམས་ཅད་ལྟོས་པ་མེད།། གང་ཡང་བདག་ནི
90b6 མེད་བཤད་པ། ། དེ་ཕྱིར་དངོས་མེད་ཤེས་པར་གྱིས།། ཁམས་གསུམ་ལས་ནི་འདས་གྱུར་པར།། གཟུངས་ལ་རབ་ཏུ་ཤེས་པར་གྱིས།། ཆོས་རྣམས་ཐོབ་པ་མེད་པས་ན།། དེ་ནི་གཟུངས།
90b7 ཞེས་བརྗོད་པ་ཡིན།། ཆོས་རྣམས་ཐམས་ཅད་རྡོ་རྗེ་བཞིན།། དེ་དག་ལ་ནི་ཐ་དད་མེད།། དེ་ལྟར་དངོས་པོ་སྟོང་པ་སྟེ།། དེ་ཡི་ཕྱིར་ནི་དངོས་པོ་མེང་།། ཆོས་ཀུན་གཡོ་བ་མེད་པ་སྟེ།། དེ་དག
iiif viewer powered by OpenSeadragon
