| e-texts navigator |
| Wylie |
90a1 ཆོས་ཀུན་མངོན་པར་འདུས་མ་བྱས།། སེམས་ཅན་དག་ཀྱང་དེ་ན་མེད།། སེམས་ཅན་རང་བཞིན་གང་ཡིན་པ།། དེ་ནི་གཟུངས་ཞེས་བྱ་བ་ཡིན།། ཆོས་རྣམས་ཐམས་ཅད
90a2 མ་བྱས་ཏེ། ། བྱེད་པ་པོ་ཡང་དེ་ན་མེད།། གང་དག་ལས་ཀྱི་བྱ་བ་མེད།། དེ་ནི་གཟུངས་ཞེས་བྱ་བ་ཡིན།། མིག་ནི་ཡོད་པ་མ་ཡིན་པས།། ཆོས་རྣམས་ཐམས་ཅད་མཐོང་བ་མེད།། གང་ན་མིག་ནི
90a3 མི་དམིགས་པ། ། དེ་ན་མེད་ཅེས་བྱ་བ་ཡིན།། སེམས་ནི་ཡོད་པ་མ་ཡིན་པས།། ཆོས་རྣམས་རྣམ་པར་ཤེས་དང་བྲལ།། སེམས་དང་ཤེས་པ་མེད་པས་ན།། རྣམ་པར་ཤེས་པ་མེད་པ་ཡིན།།
90a4 གང་ན་ཤེས་དང་དེ་བཞིན་དུ།། མི་ཤེས་པ་ཡང་མེད་པ་དང་།། གང་ན་སེམས་ནི་ཡོད་མ་ཡིན།། དེ་ཙམ་གྱིས་ནི་ཡེ་ཤེས་སོ།། ཇི་ཙམ་དུ་ནི་རྣམ་རྟོག་པ།། ཡེ་ཤེས་དང་ནི་མི་ཤེས་འགྱུར།། རྟོག
90a5 དང་སྒྲིབ་པ་མེད་གྱུར་ན། ། དེ་ལ་ཡེ་ཤེས་ཞེས་ཀྱང་བྱ།། ཆོས་རྣམས་ཐམས་ཅད་དངོས་པོ་མེད།། མིང་ཙམ་དུ་ཡང་བཤད་པ་སྟེ།། ཡེ་ཤེས་དང་ནི་མི་ཤེས་པ།། དེ་ཡང་དེ་བཞིན་ཤེས་པར
90a6 གྱིས། ། ཆོས་རྣམས་ཐམས་ཅད་མེད་པ་སྟེ།། འདི་ན་ཅི་ཡང་ཡོད་མ་ཡིན།། གང་ན་ཆོས་རྣམས་ཡོད་མིན་པ།། དེ་ནི་ཆོས་ཀྱི་མཆོག་ཡིན་ནོ།། ཆོས་རྣམས་ཐམས་ཅད་རང་བཞིན་གྱིས།། ཚད་མེད
90a7 པར་ནི་བསྟན་པ་སྟེ། ། སེམས་ཅན་རང་བཞིན་གང་ཡིན་པ།། དེ་ནི་གཟུངས་ཞེས་བྱ་བ་ཡིན།། ཆོས་རྣམས་ཐམས་ཅད་གསོག་ཡིན་ཏེ།། དེ་ལ་སྙིང་པོ་ཡོད་མ་ཡིན།། གང་ན་སྙིང་པོ་ཡོད་མིན་པ།།
iiif viewer powered by OpenSeadragon
