| e-texts navigator |
| Wylie |
89b1 ན་དངོས་པོ་མེད་པ་དང་། ། གང་ན་ཅི་ཡང་གྲུབ་མེད་པ།། དེ་ནི་གཟུངས་ཞེས་བྱ་བ་ཡིན།། ཆོས་རྣམས་ཐམས་ཅད་གཟུང་དུ་མེད།། དེ་ལ་ཐོག་མ་ཡོད་མ་ཡིན།། གང་ལ་ཐོགས་མ་མེད་གྱུར
89b2 པ། ། དེ་ཕྱིར་གཟུངས་སུ་ཤེས་པར་གྱིས།། ཆོས་རྣམས་ཐམས་ཅད་མ་སྐྱེས་ཏེ།། རྟོག་པ་ལས་ནི་ཀུན་ཏུ་བྱུང་།། ག་ན་རྟོག་པ་མེད་གྱུར་པ།། དེ་ཕྱིར་གཟུངས་སུ་ཤེས་པར་གྱིས།། ཆོས་རྣམས
89b3 ཐམས་ཅད་མེད་པར་གནས། ། མི་རྟོག་པས་ནི་བསྟན་པ་སྟེ།། འདི་ལ་བསྟན་པ་ཅུང་ཟད་མེད།། དེས་ན་བསྟན་ཅེས་བྱ་བ་ཡིན།། ཆོས་རྣམས་ཐམས་ཅད་མ་འདྲེས་ཏེ།། འདི་ལ་ངོ་བོ་ཉིད་ཀྱང་མེད།། །
89b4 ག་ན་ཆོས་སུ་དམིགས་མེད་པ།། དེ་ནི་དེ་ན་ཐ་དད་མེད།། ཆོས་རྣམས་ཐམས་ཅད་མ་ཆགས་ཏེ།། དེ་ནི་ནམ་མཁའ་མཚུངས་ཤིང་འདྲ།། ཆོས་ཀྱི་རང་བཞིན་དེ་ཡིན་ཏེ།། གཟུངས་ཞེས་བྱ་བའང
89b5 དེ་ཡིན་ནོ། ། ཆོས་རྣམས་ཐམས་ཅད་མཚན་ཉིད་གཅིག། འདི་ན་གཅིག་ཀྱང་མེད་པ་སྟེ།། འདི་ན་རང་བཞིན་ཐ་དད་མེད།། དེ་བས་དེ་དག་མཚན་ཉིད་གཅིག། ཆོས་རྣམས་ཐམས་ཅད་མཚན་ཉིད
89b6 མེད། ། དེ་ན་དངོས་པོ་མེད་པ་སྟེ།། གང་ན་དངོས་པོ་མེད་གྱུར་པ།། དེ་ཕྱིར་གཟུངས་ཞེས་བྱ་བ་ཡིན།། ཆོས་རྣམས་ཐམས་ཅད་དབེན་པས་ན།། དེ་ན་ངོ་བོ་ཉིད་མེད་དེ།། གང་ན་དངོས་པོ་མི
89b7 དམིགས་པ། ། དེ་ནི་གཟུངས་སུ་ཤེས་པར་གྱིས།། ཆོས་རྣམས་ཐམས་ཅད་མི་གནས་ཏེ།། ལྡང་བར་བྱེད་པའང་མེད་པ་ཡིན།། གང་ན་ལྡང་བ་མེད་གྱུར་པ།། དེ་ནི་མྱ་ངན་འདས་ཤེས་བྱ།།
iiif viewer powered by OpenSeadragon
