| e-texts navigator |
| Wylie |
89a1 མི་གནས་པའི་ཕྱིར། ཡོན་ཏན་གྱི་བྱེ་བྲག་དེ་འདྲ་བར་གྱུར་ན།། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་རྣམས་ལྟ་ཅི་སྨོས
89a2 བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས་སྟོན་པས་གཞན་ཡང་འདི་སྐད་གསུངས་སོ།། ཆོས་རྣམས་ཐམས་ཅད་མི་གནས་ཏེ། རང
89a3 བཞིན་གྱིས་ནི་དབེན་པའི་ཕྱིར། ། དེ་དག་གི་ནི་གནས་མེད་དེ།། དེའི་ཕྱིར་གནས་པ་མེད་ཅེས་བྱ།། ཆོས་རྣམས་རང་བཞིན་འོད་གསལ་བས།། དེ་དག་དངོས་པོ་ཡོད་མ་ཡིན།། གང་ན་དངོས་པོ་མེད
89a4 གྱུར་པ། ། དེ་ནི་ཆོས་ཀྱི་རྣམ་དག་ཡིན།། དངོས་པོ་ཡོད་པ་མ་ཡིན་པས།། དེན་ཆགས་པ་མེད་པ་ཡིན།། གང་ན་ཆགས་པ་མེད་གྱུར་པ།། དེ་ཡིས་ཕྱིར་ན་གཟུངས་ཞེས་བྱ།། ཆོས་རྣམས
89a5 ཐམས་ཅད་དེ་འདྲ་སྟེ། ། དན་ཚིག་ནི་ཡོད་མ་ཡིན།། ཆོས་རྣམས་མང་པོའི་རྒྱ་མཚོ་ནི།། དེ་ནི་གཟུངས་ཞེས་གསུངས་པ་ཡིན།། གང་ན་དངོས་པོ་མེད་གྱུར་པ།། དེ་ན་དེ་ཡང་མི་རྟོགས་ཏེ།། གང
89a6 ན་བདག་ཏུ་མི་རྟོགས་པ། ། གཟུངས་ཉིད་ཡིན་པར་ཤེས་པར་གྱིས།། ཆོས་ཀུན་ཉེ་བར་ཞི་བ་སྟེ།། རང་བཞིན་གྱིས་ནི་མཚན་ཉིད་མེད།། གང་ཞིག་ཡེ་ཤེས་དེར་འཇུག་པ།། དེ་ཡང་གཟུངས
89a7 ནི་མྱུར་དུ་ཐོབ། ། ཆོས་རྣམས་ཐམས་ཅད་གཡོ་བ་མེད།། དེ་ན་འཇིག་རྟེན་མེད་པ་སྟེ།། གང་ན་འཇིག་རྟེན་ཡོད་མིན་པ།། དེ་ནི་གཟུངས་ཞེས་བྱ་བ་ཡིན།། ཆོས་ཀུན་གྲུབ་པ་མེད་པ་སྟེ།། གང
iiif viewer powered by OpenSeadragon
