| e-texts navigator |
| Wylie |
87a1 ལོ་དེ་བསྐོར་མ་ཐག་ཏུ་ལྷ་དང་མིར་བཅས་པའི་འཇིག་རྟེན་འཇིགས་ཤིང་སྤངས་པར་འགྱུར་བ་དང་། བཅོམ་ལྡན་འདས་གང་མངོན་པའི་ང་རྒྱལ་ཅན་ཐམས་ཅད་དང་། མུ་སྟེགས་ཅན
87a2 གཞན་སྤྱོད་པ་ཅན་དང་། ཀུན་ཏུ་རྒྱུ་ཕས་ཀྱི་རྒོལ་བ་ཐམས་ཅད་ཀྱིས་མ་ལགས་པའི་དོན་ལས་སྐྱེས་པའི་ཚིག་རྒྱ་ཆེར་བཤད་དུ་གསོལ།། དེ་ནི་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་གྱི
87a3 སྣང་བར་འགྱུར་རོ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ།། འཇམ་དཔལ་ཁྱོད་དེ་བཞིན་གཤེགས
87a4 པ་ལ་དོན་དེ་ཞུ་བར་སེམས་པ་ལེགས་སོ་ལེགས་སོ། ། ཁྱོད་ནི་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། སྐྱེ་བོ་ཕལ་པོ་ཆེ་དང་། ལྷ་དང་མི་རྣམས་ཀྱི
87a5 དོན་དང་། ཕན་པ་དང་། བདེ་བ་དང་། ད་ལྟར་དང་།། མ་འོངས་པའི་བྱང་ཆུབ་སེམས་དཔའ་རྣམས་ཀྱི་དོན་གྱི་ཕྱིར་ཞུག་པ་ཡིན་ནོ།། འཇམ་དཔལ་ཁྱོད་གསོལ་བ་འདེབས་པའི་ཚིག་འདི་ནི་དེ་བཞིན
87a6 གཤེགས་པའི་མཐུས་སྐྱེས་སོ། ། འཇམ་དཔལ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ།། བཅོམ་ལྡན་འདས་ལེགས་སོ་ཞེས་གསོལ་ཏེ། འཇམ་དཔལ་གཞོན་ནུར
87a7 གྱུར་པ་བཅོམ་ལྡན་འདས་ཀྱིས་ལྟར་མཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། འཇམ་དཔལ་ཆོས་ཐམས་ཅད་ནི་རྒྱུ་མེད་པའི་ཕྱིར་མི་གནས་པའོ།། འཇམ་དཔལ་ཆོས་ཐམས
iiif viewer powered by OpenSeadragon
