| e-texts navigator |
| Wylie |
86b1 བསྐལ་པ་བྱེ་བ་དུ་མར་ཡང་དག་པར་བསྒྲུབས་པའི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཛིན་པར་འགྱུར་བ་དང་། དམ་པའི་ཆོས་ནུབ་ནས་སླར་ཡང་དེ་དག་ཆོས་ཀྱི་སྒྲོན་མ་འབར་བར་བགྱིད་པ
86b2 དང་། དམ་པའི་ཆོས་ཡོངས་སུ་འཛིན་པའི་སླད་དུ་འཇུག་པར་འགྱུར་བ་དང་། ཆོས་ཐམས་ཅད་ཀྱི་ཡང་དག་པའི་མཐའ་དང་། དེ་བཞིན་ཉིད་མཐོང་བ་དང་། ལྷག་པའི་ང་རྒྱལ་ཅན་རྣམས་ཚར་གཅད་པར
86b3 འགྱུར་བ་དང་། མུ་སྟེགས་ཅན་གཞན་སྤྱོད་པ་ཅན་དང་། ཀུན་ཏུ་རྒྱུ་དག་ཚར་གཅོད་ཅིང་འཇོམ་པར་འགྱུར་བ་དང་། འདི་ལྟ་སྟེ། ཆོས་ཐམས་ཅད་མི་དམིག་པའི་འཁོར་ལོ་དང་། མ་གསོ
86b4 པའི་འཁོར་ལོ་དང་། ། མི་གནས་པའི་འཁོར་ལོ་དང་། མ་འདྲེས་པའི་འཁོར་ལོ་དང་། མ་བརྙས་པའི་འཁོར་ལོ་དང་། སྟོང་པ་ཉིད་ཀྱི་འཁོར་ལོ་དང་། མཚན་མ་མེད་པའི་འཁོར་ལོ་དང་།། སྨོན་པ་མེད
86b5 པའི་འཁོར་ལོ་དང་། མཚན་ཉིད་མེད་པའི་འཁོར་ལོ་དང་། ཆོས་ཐམས་ཅད་ཀྱི་འཁོར་ལོ་དང་། ཚིག་དང་ཡི་གེའི་དོན་ཡང་དག་པར་བསྟན་པའི་འཁོར་ལོ་དང་། མངོན་པར་འདུ་མི་བྱེད་པའི་འཁོར་ལོ
86b6 དང་། བརྗོད་དུ་མེད་པའི་འཁོར་ལོ་དང་། ཕྱེ་སྟེ་བརྟག་པ་མ་ཡིན་པའི་འཁོར་ལོ་དང་། ཆོས་ཐམས་ཅད་མཉམ་པ་ཉིད་ཀྱི་འཁོར་ལོ་དང་། དོན་མ་ཉམས་པར་བསྟན་པའི་འཁོར་ལོ་དང
86b7 ཆོས་རྣམས་སྨོས་པའི་འཁོར་ལོ་དང་། སྒྲིབ་པ་མེད་པའི་འཁོར་ལོ་དང་། ཆོས་ཐམས་ཅད་ལ་མི་ཆགས་པའི་འཁོར་ལོ་དག་གི་ཆོས་ཀྱི་འཁོར་ལོ་བསྐོར་བའི་རྗེས་སུ་སྐོར་བར་འགྱུར་ལ།། འཁོར
iiif viewer powered by OpenSeadragon
