| e-texts navigator |
| Wylie |
85a1 བསམ་གྱིས་མི་ཁྱབ་པ་དང་། ། ཆོས་ཀྱི་སྒོར་འཇུག་པ་བསམ་གྱིས་མི་ཁྱབ་པ་དང་། དྲན་པ་དང་། བློ་གྲོས་དང་།། རྟོག་པའི་སྣོད་བསམ་གྱིས་མི་ཁྱབ་པ་དང་། མངོན་པར་ཤེས
85a2 པ་བསྒྲུབ་པ་བསམ་གྱིས་མི་ཁྱབ་པ་དང་། སེམས་ཅན་ཐམས་ཅད་ཀྱི་སྐད་ལ་འཇུག་པ་བསམ་གྱིས་མི་ཁྱབ་པ་དང་། སེམས་ཅན་གྱི་སྤྱོད་པ་དང་བསམ་པ་ལ་འཇུག་པ་བསམ་གྱིས་མི་ཁྱབ་པ་དང་།
85a3 སངས་རྒྱས་མཐོང་བ་བསམ་གྱིས་མི་ཁྱབ་པ་དང་། ཆོས་ཐོས་པ་བསམ་གྱིས་མི་ཁྱབ་པ་དང་། དགེ་འདུན་ལ་མོས་པ་བསམ་གྱིས་མི་ཁྱབ་པ་དང་། སེམས་ཅན་ཡོངས་སུ་སྨོན་པར་བྱེད་པ་བསམ་གྱིས་མི་ཁྱབ་པ་དང་ཏིང་ངེ་འཛིན་གྱི་རྣམ་པར་འཕྲུལ
85a4 པ་བསམ་གྱིས་མི་ཁྱབ་པ་དང་། ཞིང་གི་ཡོན་ཏན་བཀོད་པའི་ཡོན་ཏན་བསྒྲུབ་པ་བསམ་གྱིས་མི་ཁྱབ་པ་དང་།། གཟུགས་དང་མཚན་མཛེས་པ་བསམ་གྱིས་མི་ཁྱབ་པ་དང་། བསྔག་པ་དང་། ཡོན
85a5 ཏན་དང་། ། སྙན་པ་དང་། བརྗོད་པ་བསམ་གྱི་མི་ཁྱབ་པ་དང་། ཕ་རོལ་ཏུ་ཕྱིན་པ་སྦྱངས་པ་བསམ་གྱིས་མི་ཁྱབ་པ་དང་། ཆོས་རྟོག་པ་བསམ་གྱིས་མི་ཁྱབ་པ་སྟེ། བློ་གྲོས་བརྟན་པ་ཆོས་སྨྲ་བ།།
85a6 དཔའ་བར་འགྲོ་བའི་ཏིང་ངེ་འཛིན་འདི་ལ་བརྩོན་པ་ཡི་གེར་འདྲི་འམ། ཀློག་གམ། ལུང་ནོད་དམ། ཁ་ཏོན་བྱེད་དམ། སྟོན་ན་ཡོན་ཏན་གྱི་བྱེ་བྲག་བསམ་གྱིས་མི་ཁྱབ་པ་ཉི་ཤུ་པོ་དེ་དག་ཡོད
85a7 སུ་འཛིན་ཏོ། ། བློ་གྲོས་བརྟན་པ་དེ་ལྟ་བས་ན། རིགས་ཀྱི་བུ་འམ་རིགས་ཀྱི་བུ་མོ་ཚེ་འདི་འམ་ཚེ་རབས་གཞན་ལ་ཡོན་ཏན་ཡོངས་སུ་འཛིན་པར་འདོད་པས་དཔའ་བར་འགྲོ་བའི་ཏིང་ངེ་འཛིན་འདི
iiif viewer powered by OpenSeadragon
