| e-texts navigator |
| Wylie |
84b1 གྱིས་མི་ལྡབ་པ་ཐུགས་སུ་ཆུད་པ་དང་། ། སྤྱོད་པའི་ཁྱུ་མཆོག་ཏུ་གྱུར་པ་ཐམས་ཅད་ངོ་མཚར་ཏེ་དེ་ལྟར་བཅོམ་ལྡན་འདས་ཤཱཀྱ་ཐུབ་པའི་སྐུ་ཚྭའི་ཚད་བསྐལ་པ་གྲངས་མེད་པ་བདུན་བརྒྱ་ལགས་ན། མི་མཇེཛ
84b2 ཀྱི་འཇིག་རྟེན་གྱི་ཁམས་འདིར་ནི་སྒྱུ་ཚེའི་ཚད་ཐུང་བར་གདའོ། ། སེམས་ཅན་ཐམས་ཅད་ཀྱིས་ཚེའི་ཚད་འདི་དང་། དཔའ་བར་འགྲོ་བའི་ཏིང་ངེ་འཛིན་འདི་ཐོབ་པར་ཤོག་ཤིག་ཅེས་སྨྲས་སོ།།
84b3 དེ་ནས་བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་བློ་གྲོས་བརྟན་པ་ལ་བཀའ་སྩལ་པ། བློ་གྲོས་བརྟན་པ་དཔའ་བར་འགྲོ་བའི་ཏིང་ངེ་འཛིན་བཤད་པ་འདི། གྲོང་ངམ། གྲོང་ཁྱེར་རམ།
84b4 ཡུལ་ལམ། ལྗོངས་སམ། གཙུག་ལག་ཁང་ངམ། དགོན་པ་ཡང་རུང་སྟེ། གང་དུ་སྤྱོད་པར་འགྱུར་བ་དེར་བདུད་དམ། བདུད་ཀྱི་རིས་ཀྱི་ལྷ་གླགས་ལྟ་ཞིང་། ཀླན་ཀ་ཚོལ་བ་དག་གིས་གླགས་རྙེད་པར་མི
84b5 འགྱུར་རོ། ། བློ་གྲོས་བརྟན་པ་ཆོས་སྨྲ་བ་དེ་ཡང་། དཔའ་བར་འགྲོ་བའི་ཏིང་ངེ་འཛིན་འདི་ཡི་གེར་འདྲི་འམ། ཀློག་གམ། ལུང་ནོད་དམ། ཁ་ཏོན་བྱེད་དམ། འཆད་ན་མི་འམ་མི་མ་ཡིན་པ་ལས་འཇིག་པར
84b6 མི་འགྱུར་བར་རེ་བར་བྱ་བའི་སྟེང་དུ། དེ་ཡོན་ཏན་གྱི་བྱེ་བྲག་བསམ་གྱིས་མི་ཁྱབ་པ་ཉི་ཤུ་ཐོབ་པར་རེ་བར་བྱའོ།། ཉི་ཤུ་གང་ཞེ་ན། འདི་ལྟ་སྟེ། བསོད་ནམས་བསམ་གྱིས་མི་ཁྱབ་པ
84b7 དང་། ཤེས་རབ་བསམ་གྱིས་མི་ཁྱབ་པ་དང་། ཐབས་བསམ་གྱིས་མི་ཁྱབ་པ་དང་། སྤོབས་པ་བསམ་གྱིས་མི་ཁྱབ་པ་དང་།། ཆོས་སྣང་བ་བསམ་གྱིས་མི་ཁྱབ་པ་དང་། གཟུངས་ཀྱི་སྒོ་ལ་འཇུག་པ
iiif viewer powered by OpenSeadragon
