| e-texts navigator |
| Wylie |
84a1 བདག་གིས་འཚལ་བ་དང་། བདག་ཇི་ལྟར་སེམས་པ་ལྟར་ན། བཅོམ་ལྡན་འདས་ཉིད་འཇིག་རྟེན་གྱི་ཁམས་རྣམ་པར་སྤྱད་པ་དེའི་དེ་བཞིན་གཤེགས་པ་རྣམ་པར་སྣང་མཛད་འོད་ཟེར།
84a2 གྱིས་བརྒྱན་པ་རྣམ་པར་འཕྲུལ་པའི་རྒྱལ་པོ་ཞེས་བགྱི་བ་དེ་ལགས་ཏེ། མཚན་དེ་ཉིད་ཀྱིས་སེམས་ཅན་རྣམས་ལ་སྨན་པ་དང་བདེ་བའི་སླད་དུ་ཆོས་འཆད་དོ་སྙམ་བགྱིད་དོ།། དེ་ནས་བསྒོ།
84a3 ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་ལེགས་སོ་ཞེས་བྱ་བ་བྱིན་ནས་ལེགས་སོ་ལེགས་སོ།། ཀུན་དགའ་བོ་ཁྱོད་སངས་རྒྱས་ཀྱི་མཐུས་རབ་ཏུ་ཤེས་སོ།། ང་ཉིད་དེ་ཡིན་ཏེ། འཇིག་རྟེན་གྱི
84a4 ཁམས་རྣམ་པར་སྤྱད་པ་ཞེས་བྱ་བ་དེ་ན་སེམས་ཅན་རྣམས་ལ་ཕན་པ་དང་། བདེ་བའི་ཕྱིར་མིང་དེ་ཉིད་ཀྱིས་ཆོས་འཆད་དོ།། ཀུན་དགའ་བོ་དེ་ཡང་དཔའ་བར་འགྲོ་བའི་ཏིང་ངེ་འཛིན་གྱི་རྣམ་པར་འཕྲུལ་པ
84a5 ཡིན་ནོ། ། དེ་ནས་བཅོམ་ལྡན་འདས་ཀྱིས།། བྱང་ཆུབ་སེམས་དཔའ་བློ་གྲོས་བརྟན་པ་ལ་བཀའ་སྩལ་པ། བློ་གྲོས་བརྟན་པ་དེ་ལྟར་ན། ངའི་ཚེའི་ཚད་ནི་བསྐལ་པ་གྲངས་མེད་པ་བདུན
84a6 བརྒྱ་སྟེ། དེའི་འོག་ཏུ་ཤིན་ཏུ་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་འདས་སོ།། ཐམས་ཅད་དང་ལྡན་པའི་འཁོར་དེས་སངས་རྒྱས་ཀྱི་སྐུ་ཚེའི་ཚད་འདི་ཐོས་ནས། མགྲིན་གཅིག་ཏུ
84a7 ཚིག་འདི་སྐད་ཅེས་ངོ་མཚར་ཏོ། ། སངས་རྒྱས་བཅོམ་ལྡན་འདས་ཆེ་བའི་བདག་ཉིད་རྣམས་ཀྱི་བཞུག་པ་དང་། སངས་རྒྱས་ཀྱི་རྣམ་པར་འཕྲུལ་པའི་ཆོ་འཕྲུལ་དང་། ཡོན་ཏན་གྱི་ཁྱད་པར་བསམ
iiif viewer powered by OpenSeadragon
