| e-texts navigator |
| Wylie |
82a1 བདེན་པ་དེས། ། བྱ་རྒོད་ཀྱི་ཕུང་པོའི་རིའི་ཁོ་ར་ཁོར་ཡུག་ན། ཤིང་གང་དག་མཆིས་པ་དེ་ཐམས་ཅད། བཅོམ་ལྡན་འདས་ཀྱི་བྱང་ཆུབ་ཀྱི་སྙིང་པོའི་ཤིང་ཇི་ལྟ་བ་དེ་བཞིན་དུ
82a2 གྱུར་ཅིང་། དེ་དག་ཐམས་ཅད་ན་བྱང་ཆུབ་སེམས་དཔའ་གནས་པར་གདའ་བར་གྱུར་ཅིག། བརྒྱ་བྱིན་ལྷུན་པོའི་རྩེ་མོ་འཛིན་གྱིས་ཚིག་དེ་སྨྲས་མ་ཐག་ཏུ། དེ་ནས་དེའི་ཚེ་ཤིང་དེ་དག་ཐམས་ཅད་བྱང
82a3 ཆུབ་ཀྱི་སྙིང་པོའི་ཤིང་འདྲ་བར་གྱུར་ཏོ། ། བྱང་ཆུབ་ཀྱི་སྙིང་པོའི་ཤིང་དེ་དག་ཐམས་ཅད་ཀྱི་དྲུང་ན། བྱང་ཆུབ་སེམས་དཔའ་རྣམས་གནས་པར་ཡང་སྣང་ངོ་།། བྱང་ཆུབ་ཀྱི་སྙིང་པོའི་ཤིང་དེ་དག་ལས
82a4 བརྒྱ་བྱིན་ལྷུན་པོའི་རྩེ་མོ་འཛིན་ཁྱོད་ཀྱིས་ཇི་སྐད་སྨྲས་པ་དེ་བཞིན་ཏེ། ད་ལྟར་དང་ཕྱི་མའི་ཚེ་ལ། ཁྱོད་དཔའ་བར་འགྲོ་བའི་ཏིང་ངེ་འཛིན་དཀོན་མཆོག་འདི་རྒྱས་པར་བྱེད་པར་འགྱུར་རོ།། ཞེས་སྒྲ་བྱུང
82a5 དེ་ནས་ལྷ་དང་། ཀླུ་དང་། གནོད་སྦྱིན་དང་།། དྲི་ཟ་དང་།། ལྷ་མ་ཡིན་དང་། ནམ་མཁའ་ལྡིང་དང་།། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་མགྲིན་གཅིག་ཏུ་ཚིག་སྨྲས
82a6 པ་གལ་ཏེ་དེ་བཞིན་གཤེགས་པའི་སྐུ་ཚེ་བསྐལ་པར་གནས་པར་གྱུར་ལ་ཉན་ཐོས་ཀྱི་ཐེག་པ་ལས་བརྩམས་ཏེ་ཆོས་བཤད་ནས། ཆོས་བཤད་པ་རེ་རེ་ཞིང་ཡང་དེ་བཞིན་གཤེགས་པས་ཆོས་ཀྱི
82a7 འཁོར་ལོ་བསྐོར་བས་སེམས་ཅན་ཇི་སྟད་བཏུལ་བ་དེ་སྙེད་ཀྱི་སེམས་ཅན་དུལ་བར་གྱུར་པ་བས་གང་ཡང་དཔའ་བར་འགྲོ་བའི་ཏིང་ངེ་འཛིན་འདི་བཤད་པའི་ཚེ། ། སེམས་ཅན་རྣམས་ཀྱི་དོན་བགྱིས་པ
iiif viewer powered by OpenSeadragon
