| e-texts navigator |
| Wylie |
81a1 མེ་ཏོག་དེ་དག་ཀྱང་སོང་སྟེ། བཅོམ་ལྡན་འདས་ཀྱི་དབུའི་གཙུག་གི་སྟེང་གི་དྲང་ཐད་ན།། མེ་ཏོག་གི་གདུགས་སུ་བདུག་པར་སྣང་ངོ་།། སངས་རྒྱས་ཀྱི་ཞིང་འདི་ནས
81a2 བྱང་ཆུབ་སེམས་དཔའ་དེ་དག་དང་། ལྷ་དང་། ཀླུ་དང་། གནོད་སྦྱིན་དང་།། དྲི་ཟ་དང་།། ལྷ་མ་ཡིན་དང་།། ནམ་མཁའ་ལྡིང་དང་།། མི་འམ་ཅི་དང་། ལྟོ་འཕྱེ་ཆེན་པོ་དག། སངས་རྒྱས
81a3 བཅོམ་ལྡན་འདས་དེ་དག་ག་ལ་བ་དེར་མེ་ཏོག་དག་འཐོར་རོ། ། མེ་ཏོག་དེ་དག་ཐམས་ཅད་ཀྱང་སངས་རྒྱས་བཅོམ་ལྡན་འདས་དེ་དག་གི་དབུའི་གཙུག་གི་སྟེང་གི་དྲང་ཐད་ན།། མེ་ཏོག་གི་གདུགས
81a4 སུ་འདུག་པར་སྣང་ངོ་། ། དེ་ནས་བཅོམ་ལྡན་འདས་ཀྱིས་རྫུ་འཕྲུལ་དེ་དག་བསྡུས་ཏེ། གདན་ཇི་ལྟར་བཤམ་པ་ཉིད་ལ་བཞུགས་ནས། བྱང་ཆུབ་སེམས་དཔའ་བློ་གྲོས་བརྟན་པ
81a5 ལ་བཀའ་སྩལ་པ། བློ་གྲོས་བརྟན་པ་སེམས་ཅན་རྣམས་ཀྱི་དགེ་བའི་རྩ་བ་སྤྲུལ་པའི་ཕྱིར། དེ་བཞིན་གཤེགས་པ་རྣམས་མཐོང་བའི་ཆོ་འཕྲུལ་དེ་བཞིན་གཤེགས་པས་བསྟན་ཏོ།། བློ
81a6 གྲོས་བརྟན་པ་དེ་བཞིན་གཤེགས་པ་མཐོང་བའི་ཆོ་འཕྲུལ་འདིས་ལྷ་དང་མི་བརྒྱད་སྟོང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། ། ཡང་དཔའ་བར་འགྲོ་བའི་ཏིང
81a7 ངེ་འཛིན་འདིའི་མཐར་ཕྱིན་པ་དང་། མུར་ཐུག་པ་དི་སྟན་པ་བཤད་པའི་ཚེ། བྱང་ཆུབ་སེམས་དཔའ་བློ་གྲོས་བརྟན་པས།། དཔའ་བར་འགྲོ་བའི་ཏིང་ངེ་འཛིན་འདི་ཐོབ་པར་གྱུར་ཏོ།། བྱང་ཆུབ
iiif viewer powered by OpenSeadragon
