| e-texts navigator |
| Wylie |
80a1 པ་ཆེན་པོ་དང་། རིང་བསྲེལ་བགེད་པར་ཡང་སྟོན་ལ་བྱང་ཆུབ་སེམས་དཔའི་ཆོས་ཉིད་དེ་ཡང་མི་འདོར། ཤིན་དུ་ཡོངས་སུ་མྱ་ངན་ལས་འདའ་བས་ཀྱང་ཡོངས་སུ་མྱ་ངན་ལས
80a2 མི་འདའོ། ། དེ་ནས་གནས་བརྟན་འོད་སྲུང་ཆེན་པོས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།། འཇམ་དཔལ་གང་ཁྱོད་འདི་ལྟ་བུར་བསམ་གྱིས་མི་ཁྱབ་པའི
80a3 གནས་དག་སྟོན་པ་ནི། ཁྱོད་དཀའ་བ་བྱེད་པའོ།། འཇམ་དཔལ་གྱིས་སྨྲས་པ། བཙུན་པ་འོད་སྲུང་དེ་ཇི་སྙམ་དུ་སེམས། བྱ་རྒོད་ཀྱི་ཕུང་པོའི་རི་འདི་གང་ནས་བྱུང་། འཇིག་རྟེན་གྱི་ཁམས་འདི
80a4 གང་ནས་བྱུང་བ། སྨྲས་པ། འཇམ་དཔལ་འཇིག་རྟེན་གྱི་ཁམས་ཐམས་ཅད་ནི་དབུ་བ་ལྟར་བྱུང་སྟེ། སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་བསམ་གྱིས་མི་ཁྱབ་པས་མངོན་པར་འགྲུབ་བོ།།
80a5 འཇམ་དཔལ་གྱིས་སྨྲས་པ། བཙུན་པ་འོད་སྲུང་ཆེན་པོ་དེ་བཞིན་ཏེ། ཆོས་ཐམས་ཅད་ཀྱང་ལས་ཀྱི་རྣམ་པར་སྨིན་པ་བསམ་གྱིས་མི་ཁྱབ་པ་ལས་བྱུང་ངོ་།། དེ་བས་ན་འདིར་ཁོ་བོ་ལ་བྱ་དཀའ་བ་མེད
80a6 དོ། ། དེ་ཅིའི་ཕྱིར་ཞེ་ན།། ཆོས་ཐམས་ཅད་ནི་བཅོས་མ།། རྒྱུ་ལ་རག་ལས་པ། བེམས་པོ་སྟེ། དེ་དག་ནི་བདག་པོ་མེད་པའི་ཕྱིར། ཇི་ལྟར་འདོད་པ་དེ་བཞིན་དུ་རྣམ་པར་སྒྲུབ་བོ།། གང་གིས
80a7 ཚུལ་དེ་རྟོགས་པ་དེ་ལ་ནི། བྱ་དཀའ་བ་ཅི་ཡང་མེད་དོ།། བཙུན་པ་འོད་སྲུང་ཆེན་པོ་གང་དག་བདེན་པ་མ་མཐོང་བ་དེ་དག་ནི། ཚུལ་འདི་ལས་མོས་པ་ཤིན་ཏུ་བྱ་དཀའ་བ་ཡིན་གྱི། བདེན་པ
iiif viewer powered by OpenSeadragon
