| e-texts navigator |
| Wylie |
77b1 མངོན་པར་འདུ་བྱ་བ་བསྟན་པ་དང་། བྱང་ཆུབ་སེམས་དཔའ་རྒྱལ་བའི་བློ་གྲོས་དང་། ཐམས་ཅད་དང་ལྡན་པའི་འཁོར་དེས་དེ་མཐོང་སྟེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས
77b2 འདི་ན། འཛམ་བུའི་གླིང་ཇི་སྙེད་པ་དེ་དག་ཐམས་ཅད་ན། བྱང་ཆུབ་སེམས་དཔའ་བྱམས་པ་སྣང་སྟེ་ལ་ལན་ནི་ལྷའི་འཇིག་རྟེན་ན་གནས། ལ་ལན་ནི་མིའི་འཇིག་རྟེན་ན་གནས། ལལན་ནི་རབ་ཏུ
77b3 བྱུང་བར་གྱུར། ལ་ལན་ནི་ཁྱིམ་ན་གནས་པར་གྱུར། ལ་ན་ནི་ཀུན་དགའ་བོ་བཞིན་དུ་དེ་བཞིན་གཤེགས་པའི་གཡོག་བྱེད། ལ་ལན་ནི་ཤཱ་རིའི་བུ་བཞིན་དུ་ཤེས་རབ་ཆེ། ལ་ལ་ན་ནི་མོའུ་འགལ་གྱི་བུ
77b4 ཆེན་པོ་བཞིན་དུ་རྫུ་འཕྲུལ་ཆེ། ལ་ལ་ན་ནི་འོད་སྲུང་ཆེན་པོ་བཞིན་དུ་སྦྱངས་པ་སྨྲས། ལ་ལན་ནི་གང་པོ་བཞིན་དུ་ཆོས་སྨྲ་བ་པོར་གྱུར། ལ་ལ་ན་ནི་སྒྲ་གཅན་ཟིན་བཞིན་དུ་བསླབ་པ་འདོད་པར་གྱུར།
77b5 ལ་ལ་ན་ནི་ཉེ་བར་འཁོར་བཞིན་དུ་འདུལ་བ་འཛིན། ལ་ལ་ན་ནི་མ་འགོག་པ་བཞིན་དུ་ལྷའི་མིག་དང་ལྡན།། ལ་ལ་ན་ནི་ནམ་གྲུ་བཞིན་དུ་བསམ་གཏན་པར་གྱུར། ལ་ལ་ན་ནི་རབ་འབྱོར་བཞིན་དུ་ཉོན
77b6 མོངས་པ་མེད་པར་གནས་པའི་མཆོག་ཏུ་གྱུར་ཏོ། ། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅན་ཉན་ཐོས་མཆོག་བཞིན་དུ
77b7 འདུ་ཤེས་ཏེ། གྲོང་དང་གྲོང་ཁྱེར་ལ་ལ་ན་ནི་བསོད་སྙོམས་སྤྱོད། ལ་ལ་ན་ནི་ཆོས་འཆད་པར་བྱེད། ལ་ལ་ན་ནི་ནང་དུ་ཡང་དག་པར་འཇོག་པར་སྣང་སྟེ། བྱང་ཆུབ་སེམས་དཔའ་རྒྱལ་བའི
iiif viewer powered by OpenSeadragon
