| e-texts navigator |
| Wylie |
77a1 འགྲོ་བའི་ཏིང་ངེ་འཛིན་འདི་ལ་ནན་ཏན་བགྱི་བ་དེ་ནི་ཤིན་ཏུ་བསྒྲུབ་དཀའ་བ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་བའི་བློ་གྲོས་དེའི་ཕྱིར་བྱང་ཆུབ
77a2 སེམས་དཔའ་གང་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་པ་ནི་ཉུང་གི། གང་ཏིང་ངེ་འཛིན་ངན་པ་གཞན་ལ་སྤྱོད་པ་དག་ནི་མང་ངོ་།། རྒྱལ་བའི་བློ་གྲོས་ཀྱིས་གསོལ་པ། བཅོམ་ལྡན
77a3 འདས་བྱང་ཆུབ་སེམས་དཔའ་བྱམས་པ་འདི་ནི། ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྐྱེ་བ་གཅིག་གིས་ཐོག་པ་ལགས་ཏེ། དེ་བཞིན་གཤེགས་པའི་འོག་ཏུ་བླ་ན་མེད་པ་ཡང་དག
77a4 པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ན། བཅོམ་ལྡན་འདས་བྱང་ཆུབ་སེམས་དཔའ་བྱམས་པ་འདིས། དཔའ་བར་འགྲོ་བའི་ཏིང་ངེ་འཛིན་འདི་ཐོབ་པ
77a5 ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་བའི་བློ་གྲོས་བྱང་ཆུབ་སེམས་དཔའ་ས་བཅུ་ལ་གནས་པ་སྐྱེ་བ་གཅིག་གིས་ཐོགས་པ། དབང་བསྐུར་བ་ཐོབ་པ་ཇི་སྙེད་པ་དེ་དག
77a6 ཐམས་ཅད་ཀྱིས། ། དཔའ་བར་འགྲོ་བའི་ཏིང་ངེ་འཛིན་འདི་ཐོབ་བོ།། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བྱམས་པ་ལ་བཀའ་སྩལ་པ། བྱམས་པ་ཁྱོད་ཀྱིས
77a7 བྱང་ཆུབ་སེམས་དཔའ་རྒྱལ་བའི་བློ་གྲོས་ལ། དཔའ་བར་འགྲོ་བའི་ཏིང་ངེ་འཛིན་གྱི་ཡུལ་སྟོན་ཅིག། དེ་ནས་བྱང་ཆུབ་སེམས་དཔའ་བྱམས་པ་དེའི་ཚེ། འདི་ལྟ་བུའི་རྫུ་འཕྲུལ
iiif viewer powered by OpenSeadragon
