| e-texts navigator |
| Wylie |
76b1 སེམས་ཅན་ཐམས་ཅད་ཀྱི་སེམས་དང་སྤྱོད་པའི་རྒྱུ་བ་ཇི་སྙེད་པ་དེ་སྙེད་ཡོད་དོ། ། དཔའ་བར་འགྲོ་བའི་ཏིང་ངེ་འཛིན་འདི་ལ་ནི་སེམས་ཅན་ཐམས་ཅད་ཀྱི་སེམས་དང་སྤྱོད་པ་འཇུག་པ་ཇི་སྙེད་བ་དེ
76b2 སྙེད་ཀྱི་ནན་ཏན་འཇུག་པ་ཡོད་དོ། ། དཔའ་བར་འགྲོ་བའི་ཏིང་ངེ་འཛིན་འདི་ལ་ནི་སེམས་ཅན་ཐམས་ཅད་ཀྱི་དབང་པོའི་རྒྱུ་བ་ཇི་སྙེད་པ་དེ་སྙེད་ཀྱི་ནན་ཏན་འཇུག་པ་ཡོད་དོ།། སེམས་ཅན་ཐམས
76b3 ཅད་ཀྱི་མིང་དང་གཟུགས་ཇི་སྙེད་པ་བྱང་ཆུབ་སེམས་དཔའ་དེས། དེ་སྙེད་ཀྱི་མིང་དང་གཟུགས་བསྟན་པར་བྱའོ།། རྒྱལ་བའི་བློ་གྲོས་གང་དེ་ལྟར་སྟོན་པ་དེ་ནི་དཔའ་བར་འགྲོ་བའི་ཏིང་ངེ་འཛིན
76b4 འདི་ལ་ནན་ཏན་བྱེད་པའོ། ། སངས་རྒྱས་ཐམས་ཅད་ཀྱི་མིང་དང་གཟུགས་དང་མཚན་མཐོང་བ་ཇི་སྙེད་པ་བྱང་ཆུབ་སེམས་དཔའ་དེས་མིང་དང་གཟུགས་དང་མཚན་མཐོང་བ་དེ་སྙེད་བསྟན་པར
76b5 བྱ་སྟེ། ། རྒྱལ་བའི་བློ་གྲོས་གང་དེ་ལྟར་སྟོན་པ་དེ་ནི། དཔའ་བར་འགྲོ་བའི་ཏིང་ངེ་འཛིན་འདི་ལ་ནན་ཏན་བྱེད་པའོ།། སངས་རྒྱས་ཐམས་ཅད་ཀྱི་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཇི
76b6 སྙེད་མཐོང་བ་བྱང་ཆུབ་སེམས་དཔའ་དེས། སངས་རྒྱས་ཀྱི་ཞིང་གི་ཡོན་ཏན་བཀོད་པ་མཐོང་བ་དེ་སྙེད་བསྟན་པར་བྱའོ།། རྒྱལ་བའི་བློ་གྲོས་གང་དེ་ལྟར་སྟོན་པ་དེ་ནི་དཔའ་བར་འགྲོ་བའི་ཏིང་ངེ
76b7 འཛིན་འདི་ལ་ནན་ཏན་བྱེད་པ་ཡིན་ནོ། ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་རྒྱལ་བའི་བློ་གྲོས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་དཔའ་བར
iiif viewer powered by OpenSeadragon
