| e-texts navigator |
| Wylie |
76a1 སེམས་ཅན་གྱི་དོན་འཚལ་བ་དང་། སྒྲ་སྙན་པ་འཚལ་བ་དང་།། ཡོན་ཏན་འཚལ་བ་དང་། ཆོས་འཚལ་བ་དང་།། ཞི་གནས་འཚལ་བ་དང་། ལྷག་མཐོང་འཚལ
76a2 བ་དང་། ཚངས་པའི་འཇིག་རྟེན་འཚལ་བ་དང་། ལྷ་དང་མིའི་ཕུན་སུམ་ཚོགས་པ་འཚལ་བ་དང་། མྱ་ངན་ལས་འདའ་བར་འཚལ་བ་དང་། བཅོམ་ལྡན་འདས་དོན་ཐམས་ཅད་རྟོགས་པར་འཚལ
76a3 བའི་རིགས་ཀྱི་བུ་དང་། རིགས་ཀྱི་བུ་མོས་དཔའ་བར་འགྲོ་བའི་ཏིང་ངེ་འཛིན་འདི་ཉིད་མཉན་པར་བགྱི། བླང་བར་བགྱི། བཟུང་བར་བགྱི། ཀླག་པར་བགྱི། བཤད་པར་བགྱི། བསྒོམ
76a4 པར་བགྱིའོ། ། ཡང་བཅོམ་ལྡན་འདས་དཔའ་བར་འགྲོ་བའི་ཏིང་ངེ་འཛིན་འདི་ལ་ཇི་ལྟར་ནན་ཏན་བགྱི། བཅོམ་ལྡན་འདས་ཀྱིས་བཀའ་སྩལ་པ།། རྒྱལ་བའི་བློ་གྲོས་གང་གི་ཚེ་ན། བྱང་ཆུབ
76a5 སེམས་དཔའ་ཆོས་ཐམས་ཅད་མ་ཞུགས་པར་མཐོང་བ་དེའི་ཚེ། དཔའ་བར་འགྲོ་བའི་ཏིང་ངེ་འཛིན་འདི་ལ་ཞུགས་པ་ཡིན་ནོ།། རྒྱལ་བའི་བློ་གྲོས་གང་གི་ཚེ་ན། བྱང་ཆུབ་སེམས་དཔའ་ཆོས
76a6 ཐམས་ཅད་ཐོགས་པ་མེད་པ་དང་། སྐད་ཅིག་པ་དང་། ཡམ་བླ་དང་། རྗེས་སུ་ཆགས་པ་དང་། ཁོང་ཁྲོ་བ་དང་བྲལ་བར་མཐོང་བ་དེའི་ཚེ། དཔའ་བར་འགྲོ་བའི་ཏིང་ངེ་འཛིན་འདི་ལ་ཞུགས
76a7 པ་ཡིན་ནོ། ། རྒྱལ་བའི་བློ་གྲོས་འོན་ཀྱང་དཔའ་བར་འགྲོ་བའི་ཏིང་ངེ་འཛིན་འདི་ལ་ནན་ཏན་གཅིག་ཏུ་མ་ཟད་ཀྱི། རྒྱལ་བའི་བློ་གྲོས་དཔའ་བར་འགྲོ་བའི་ཏིང་ངེ་འཛིན་འདི་ལ་ནན་ཏན་བྱེད་པའི་རྒྱུ་ནི
iiif viewer powered by OpenSeadragon
