| e-texts navigator |
| Wylie |
73b1 ལ། སེམས་ཅན་རྐྱེན་གྱི་སྟོབས་ཅན་རྣམས་ཀྱི་ཆེད་ཏུ་བསྐལ་པ་གྲངས་མེད་པར་སྤྱོད་པར་ཡང་བྱེད། སེམས་ཅན་རྐུན་གྱི་མཐུ་ཆེ་བ་རྣམས་ཀྱི་ཕྱིར་ཡོངས་སུ་མྱ་ངན་ལས་འདའ་བར་ཡང་སྟོན་ལ། ཏིང་།
73b2 ངེ་འཛིན་གྱི་སྟོབས་ཀྱིས་ཀྱང་སྐྱེ་བ་ཡིན་ཏེ། ལྷའི་བུ་དག་དེ་ལྟར་བྱང་ཆུབ་སེམས་དཔའ་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་པ་ནི། འཕགས་པའི་ཐ་སྙད་ཐམས་ཅད་ཀྱིས་ཀྱང་ཐ་སྙད
73b3 འདོགས་ཤིང་སེམས་ཅན་ཇི་ལྟ་བུའི་ས་ལ་གནས་པ་དེ་དག་ལ་ཡང་ཆོས་སྟོན་ལ། ས་དེ་ལ་གནས་པར་ཡང་མི་བྱེད་དོ།། །། དཔའ་བར་འགྲོ་བའི་ཏིང་ངེ་འཛིན།
73b4 བམ་པོ་ལྔ་པ།། །། དེ་ནས་ལྷའི་བུ་དེ་དག་གིས་བཤད་པ་དེ་ཐོས་ནས་རབ་ཏུ་དགའ་སྟེ། ཚིག་སྨྲས་པ། བཅོམ་ལྡན་འདས་གང་དག་ཉན་ཐོས་ཀྱི་སྐྱོན་མེད་པ་ལ་ཞུགས་པ་དང་།
73b5 གང་དག་རང་སངས་རྒྱས་ཀྱི་སྐྱོན་མེད་པ་ལ་ཞུགས་པའི་སེམས་ཅན་དེ་དག་གིས་ནི་མདུད་པར་བགྱིད་སྟེ། བཅོམ་ལྡན་འདས་སེམས་ཅན་དེ་དག་ནི་དཔའ་བར་འགྲོ་བའི་ཏིང་ངེ་འཛིན་འདི་ལས་ཉམས
73b6 པ་ལགས་སོ། ། བཅོམ་ལྡན་འདས་མཚམས་མ་མཆིས་པ་ལྔ་དང་ལྡན་པས། དཔའ་བར་འགྲོ་བའི་ཏིང་ངེ་འཛིན་འདི་ཐོས་པ་ནི་ལེགས་ཀྱི། དགྲ་བཅོམ་པ་ཟག་པ་ཟད་པ་ནི་དེ་ལྟ་མ་ལགས་སོ།།
73b7 དེ་ཅིའི་སླད་དུ་ཞེ་ན། བཅོམ་ལྡན་འདས་མཚམས་མ་མཆིས་པ་ལྔ་དང་ལྡན་པས་ནི། དཔའ་བར་འགྲོ་བའི་ཏིང་ངེ་འཛིན་འདི་ཐོས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས
iiif viewer powered by OpenSeadragon
