| e-texts navigator |
| Wylie |
71b1 བྱ་བ་ཞིག་བྱུང་སྟེ། དེས་ལྔ་དང་བཅས་པའི་འཇིག་རྟེན་གྱི་དོན་མཛད་ནས་ཡོངས་སུ་མྱ་ངན་ལས་འདས་སོ།། དེ་ཡོངས་སུ་མྱ་ངན་ལས་འདས་ནས། དམ་པའི་ཆོས་ལོ་འབུམ་དུ་གནས་པར
71b2 གྱུར་ཏོ། ། དེ་ལྟར་བཙུན་པ་ཤཱ་རིའི་བུ་དམ་པའི་ཆོས་དེ་ནུབ་ནས། སེམས་ཅན་དེ་དག་རྐྱེན་གྱི་སྟོབས་ཅན་དུ་གྱུར་ཏེ། རང་སངས་རྒྱས་ཀྱི་སྤྱོད་ལམ་གྱིས་གདུལ་ནུས་པར་འགྱུར་བ་མ་གཏོག་པར་གལ
71b3 ཏེ་དེ་དག་ལ་སངས་རྒྱས་བརྒྱ་སྟོང་གིས་ཆོས་བཤད་དུ་ཟིན་ཀྱང་། ། དེ་དག་ཆོས་བཤད་པ་ལ་མོས་པར་མི་འགྱུར་ཏེ།། སེམས་ཅན་དེ་དག་རང་སངས་རྒྱས་ཀྱི་ཐེག་པ་ལ་མོས་པ་ཤ་སྟག་གོ།། བཙུན
71b4 པ་ཤཱ་རིའི་བུ་དེའི་ཚེ་དེའི་དུས་ན། གང་ལ་སེམས་ཅན་དེ་དག་གི་ཡོན་དབུལ་བར་བྱ་བའི་རང་སངས་རྒྱས་འགའ་ཡང་མ་བྱུང་ནས། ཤཱ་རིའི་བུ་ཁོ་བོ་ནི་སེམས་ཅན་དེ་དག་ཡོངས་སུ་སྨིན་པར་བྱ་བའི་ཕྱིར
71b5 བདག་ཉིད་རང་སངས་རྒྱས་སུ་ཁས་འཆེ་སྟེ། གྲོང་དང་གྲོང་ཁྱེར་དང་། གྲོང་བརྡལ་དང་། ཡུལ་འཁོར་དང་། ཕོ་བྲང་འཁོར་གང་དང་གང་དུ་གནས་པ་དེ་དང་དེར་རང་སངས་རྒྱས་སུ་འདུ་ཤེས་སོ།།
71b6 རང་སངས་རྒྱས་ཀྱི་སྤྱོད་ལམ་ཡང་བསྟན་ཅིང་།། རང་སངས་རྒྱས་ཀྱི་ཆ་བྱད་ཀྱང་བསྟན་པས། ཁོ་བོ་ལ་སེམས་ཅན་དེ་དག་གུས་པར་དང་བཅས་ཤིང་། རིམ་གྲོ་བསྐྱེད་ནས།། བསོད་སྙོམས་སྦྱིན་པར་བྱེད
71b7 དོ། ། ཁོ་བོས་བསོད་སྙོམས་དེ་དག་ཁས་བླངས་ནས། སེམས་ཅན་སྣོད་དུ་གྱུར་པ་ཇི་སྙེད་པའི་སེམས་ཅན་དེ་དག་ལ་ཆོས་བཤད་དོ།། བཤད་ནས་ཀྱང་ཁོ་བོ་ངང་པའི་རྒྱལ་པོ་བཞིན་དུ་བར་སྣང་ལ
iiif viewer powered by OpenSeadragon
