| e-texts navigator |
| Wylie |
71a1 སྩལ་པ། ཤཱ་རིའི་བུ་ཁྱོད་ཀྱིས་འཇམ་དཔལ་གཞོན་ནུར་གྱུར་པ་འདི་ཉིད་ལ་དྲིས་ཤིག་དང་། དེ་ཉིད་ཁྱོད་ལ་ལན་ལྡོན་པར་འགྱུར་རོ།། དེ་ནས་ཚེ་དང
71a2 ལྡན་པ་ཤཱ་རིའི་བུས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།། འཇམ་དཔལ་གང་གི་ཚེ་ཡོངས་སུ་མྱ་ངན་ལས་འདས་པ་ལ། འགྲོ་བ་མེད་ཅིང་ཉིང་མཚམས་སྦྱོར་བ་མེད་ན
71a3 འཇམ་དཔལ་ཁྱོད་ཇི་ལྟར་ན། འདི་སྐད་དུ་བཅོམ་ལྡན་འདས་བདག་གིས་མངོན་པར་འཚལ་ལ། བསྐལ་པ་རྣམ་པར་སྣང་བ་ལ།། ལན་བྱེ་བ་ཁྲག་ཁྲིག་བརྒྱ་སྟོང་ཕྲག་སུམ་ཅུ་རྩ་དྲུག་ཏུ་རང་སངས
71a4 རྒྱས་ཀྱི་ཐེག་པས་ཡོངས་སུ་མྱ་ངན་ལས་འདས་ཞེས་སྨྲ། ཁྱོད་ཀྱིས་སྨྲས་པ་དེའི་དོན་ཇི་ལྟར་བལྟ་བར་བྱ། དེ་སྐད་ཅེས་སྨྲས་པ་དང་། འཇམ་དཔལ་གཞོན་ནུར་གྱུར་པས།། ཚེ་དང་ལྡན་པ
71a5 ཤཱ་རིའི་བུ་ལ་འདི་སྐད་ཅེས་སྨྲས་སོ། ། བཙུན་པ་ཤཱ་རིའི་བུ་དེ་བཞིན་གཤེགས་པ་ནི་ཐམས་ཅད་མཁྱེན་པ། ཐམས་ཅད་གཟིགས་པ། བདེན་པར་གསུང་བ།། ཡང་དག་པར་གསུང་བ། སྐུ
71a6 པར་མི་མཛད་པ་ཡིན་ནོ། ། དེ་ནི་ལྷ་དང་བཅས་པའི་འཇིག་རྟེན་གྱིས་སླུ་བར་མི་ནུས་ཏེ། དེ་ནི་འདིར་ཁོ་བོའི་དབང་ཡིན་ཏེ། གལ་ཏེ་ཁོ་བོ་གཞན་དུ་སྨྲ་བར་གྱུར་ན། ཁོ་བོས་དེ་བཞིན་གཤེགས་པ
71a7 བསླུས་པར་འགྱུར་རོ། ། དེ་ལྟར་ན་བཙུན་པ་ཤཱ་རིའི་བུ་དེའི་ཚེ་དེའི་དུས་ན། བསྐལ་པ་རྣམ་པར་སྣང་བ་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྒྱལ་བ་ཞེས
iiif viewer powered by OpenSeadragon
